*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Saturday 11 January 2014

သီလ၀ါ အထူးစီးပွားရေးဇုန်၏ ရှယ်ယာတစ်စုလျှင် ကျပ် ၁၀၀၀၀ ဖြင့် ဖေဖော်ဝါရီ လဆန်းပိုင်း ရောင်းချပေးမည်



သီလ၀ါ အထူးစီးပွားရေးဇုန်၏ အစုရှယ်ယာများကို ရှယ်ယာတစ်စုလျှင် ကျပ် ၁၀၀၀၀ နှုန်းဖြင့် ယခုနှစ် ဖေဖော်ဝါရီ လဆန်းပိုင်းတွင် စတင်ရောင်းချ ပေးမည်ဖြစ်ပြီး အဆိုပါဇုန်အတွင်း ရင်းနှီးမြှုပ်နှံမည့် စီမံကိန်း ဆိုင်ရာ အချက်အလက်များကို မတ်လအတွင်း ထုတ်ပြန်ပေးမည် ဖြစ်ကြောင်း ကုန်သည်စက်မှု အသင်းချုပ်နှင့် သီလ၀ါ အထူးစီးပွားရေးဇုန် အများပိုင် ကုမ္ပဏီဥက္ကဋ္ဌ ဦးဝင်းအောင်က ပြောကြားသည်။


“အစုရှယ်ယာ တစ်စုကို က
ျပ် ၁၀၀၀၀ နှုန်းနဲ့ ၀ယ်ယူနိုင်အောင် လုပ်ဆောင်ပေးမှာ ဖြစ်သလို လူတစ်ယောက် တည်းကလည်း လက်ဝါးကြီးအုပ် ၀ယ်မသွားနိုင်အောင် လုပ်ဆောင်ပေးပါ့မယ်။ ဒီစီမံကိန်း ကို နိုင်ငံတကာကလည်း စိတ်ဝင်စားမှု ရှိနေတဲ့အပြင် စီမံကိန်း အမြန်ဆုံး တိုးတက်ဖို့အတွက် အမှန်တကယ် ရင်းနှီးမြှုပ်နှံမယ့် ကုမ္ပဏီတွေကို စိစစ်ခွင့်ပြု သွားမှာဖြစ်ပြီး ရင်းနှီးမြှုပ်နှံခွင့်ပြုမယ့် ကုမ္ပဏီဆိုင်ရာ အချက် အလက်တွေကို မတ်လအတွင်း ထုတ်ပြန်ပေးပါမယ်” ဟု ဦးဝင်းအောင်က ဆိုသည်။


သီလ၀ါ အထူးစီးပွားရေး ဇုန်အဖြစ် မြေဧက ၆၀၀၀ နီးပါးအား ၂၀၁၃ ခုနှစ် စက်တင်ဘာလအတွင်း နယ်နိမိတ် သတ်မှတ်ပေးခဲ့ပြီး ဖြစ်ကြောင်း သိရသည်။

သီလ၀ါ အထူးစီးပွားရေးဇုန်အဖြစ် သတ်မှတ်ခဲ့သည့် နယ်နိမိတ်အတွင်း မြန်မာ့စီးပွားရေး ကော်ပိုရေးရှင်း၏ ဖန်ချက်စက်ရုံ၊ သွပ်ပြားစက်ရုံ၊ ဖိနပ်စက်ရုံများ အပါအ၀င် ဌာနဆိုင်ရာ၊ အဖွဲ့အစည်း၊ ရပ်ကွက်များနှင့် ဘာသာရေး အဆောက်အအုံများ အသုံးပြုထားသည့် အ၀န်းအ၀ိုင်းများ တည်ရှိရာ ၁၃၄၅ ဒသမ ၆၄၄ ဧကကို ချန်လှပ်ထားရမည်ဟု ထည့်သွင်း ဖော်ပြထားကြောင်း သိရသည်။

သီလ၀ါ အထူးစီးပွားရေးဇုန် ပထမအဆင့် စီမံကိန်း တည်ဆောက်ရေး လုပ်ငန်းများကို နိုဝင်ဘာ ၃၀ ရက်တွင် စတင်အကောင်အထည် ဖော်ခဲ့ကြောင်း၊ သီလ၀ါ အထူးစီးပွားရေးဇုန် စီမံကိန်းကို မြန်မာနိုင်ငံမှ ၅၁ ရာခိုင်နှုန်း၊ ဂျပန်နိုင်ငံမှ ၄၉ ရာခိုင်နှုန်း ရင်းနှီးမြှုပ်နှံထားကြောင်း သိရသည်။

ဂျပန်နိုင်ငံဘက်မှ မစ်ဆူဘီရှီကော်ပိုရေးရှင်း၊ ဆူမီတိုမိုကော်ပိုရေးရှင်းနှင့် မာရူဘီနီ ကော်ပိုရေးရှင်းတို့ ပါဝင် အကောင်အထည် ဖော်နေပြီး မြန်မာနိုင်ငံဘက်မှ အများပိုင်ကုမ္ပဏီ ကိုးခုရှိကြောင်း သိရသည်။

မြန်မာနိုင်ငံအတွင်း ၀င်ရောက်မြှုပ်နှံ လိုသည့် နိုင်ငံတကာကုမ္ပဏီ အများအပြား ရှိနေသော် လည်း မြေဈေးနှုန်း ကြီးမြင့် လွန်းသည် ဟုဆိုကာ ရင်းနှီးမြှုပ်နှံမှုများ တွန့်ဆုတ်နေသောကြောင့် ဂျပန်နိုင်ငံနှင့် ပူးပေါင်းတည်ထောင်မည့် သီလ၀ါ အထူးစီးပွားရေးဇုန် စီမံကိန်းတွင် မြေဈေးနှုန်း သတ်မှတ်မှုအား လက်ရှိ ရန်ကုန်မြို့၏ စက်မှုဇုန် ဈေးနှုန်းများထက် နည်းပါးစေရန် လုပ်ဆောင် မည်ဖြစ်ကြောင်း ကုန်သည်စက်မှု အသင်းချုပ်နှင့် သီလ၀ါ အထူးစီးပွားရေးဇုန် အများပိုင် ကုမ္ပဏီဥက္ကဋ္ဌ ဦးဝင်းအောင်က ပြောကြားသည်။


From... Eleven Media Group

No comments:

Post a Comment