သေခြင်းတရား ကို ကိုယ်နဲ့ အဝေးကြီး လို့ သဘောထား ရင် သတိ သံဝေဂ အားနည်း သွားတတ်ပါတယ်။
သတိ သံဝေဂ အားနည်း ရင် လူသားတိုင်း မလုပ် မဖြစ်လုပ် ရမယ့် "အပ္ပမာဒ" လုပ်ငန်းတွေ မှာ ခြေလှမ်း ကျဲနေတတ်ပါတယ်။
"အပ္ပမာဒ" လုပ်ငန်း ဆိုတာ အမြဲ မမေ့သင့်တဲ့ လုပ်ငန်း လို့ အဓိပ္ပာယ် ရတယ်။
တစ်ခါ တစ်ရံ သတိရ မှ လုပ်ရမယ့် လုပ်ငန်း မဟုတ်ပါဘူး။
အမြဲ သတိတရ လုပ်နေရမယ့် လုပ်ငန်းပါ။
အပ္ပမာဒ လုပ်ငန်း က လေးမျိုးရှိပါတယ်။
ဒါန အပ္ပမာဒ
သီလ အပ္ပမာဒ
သမထ အပ္ပမာဒ နဲ့
ဝိပဿ နာ အပ္ပမာဒ တို့ဖြစ်ပါတယ်။
ဒါန အပ္ပမာဒ ဆိုတာ
အမြဲ သတိတရ မမေ့တမ်း ပြုလုပ် ရမယ့် ပေးကမ်းမှု ၊ စွန့်ကြဲမှု နဲ့ လှူ ဒါန်းမှု လုပ်ငန်း ဖြစ်ပါတယ်။
သီလ အပ္ပမာဒ ဆိုတာ
အမြဲ သတိတရ မမေ့တမ်း ပြုလုပ် မယ့် ကိုယ်နှုတ်စောင့်ထိန်းမှု နဲ့ ကိုယ်ကျင့် တရားကောင်းမွန်စေ မှု လုပ်ငန်းဖြစ်ပါတယ်။
သမထ အပ္ပမာဒ ဆိုတာ
အမြဲ သတိတရ မမေ့တမ်းပြုလုပ် ရမယ့် စိတ် တည်ငြိမ်မှု နဲ့ စိတ် စူးစိုက်မှု လုပ်ငန်းဖြစ်ပါတယ်။
ဝိပဿ နာ အပ္ပမာဒ ဆိုတာ
အမြဲ သတိတရ မမေ့တမ်း ပြုလုပ် ရမယ့် ခန္ဓာဖြစ်စဉ် ဉာဏ် သက်ဝင် မှုနဲ့ သဘာဝ အမှန်တရား ကို ပိုင်းခြား သိမြင်မှု လုပ်ငန်း ဖြစ်ပါတယ်။
မှတ်သားရ လွယ်ကူအောင် တနည်းပြောရရင်တော့...
ဒါန အပ္ပမာဒ....စွန့်လွတ်မှု လုပ်ငန်း
သီလ အပ္ပမာဒ....စောင့်ထိန်းမှု လုပ်ငန်း
သမထ အပ္ပမာဒ....စူးစိုက်မှု လုပ်ငန်း
ဝိပဿ နာ အပ္ပမာဒ....စစ်ဆေးမှု လုပ်ငန်း
အပ္ပမာဒ လုပ်ငန်း ဆိုတာ ဒီ "စလေးလုံး" လုပ်ငန်း ပါပဲ။
အရှင်ဆန္ဒာဓိက(ရွှေပါရမီတောရ)
No comments:
Post a Comment