*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Monday 19 August 2013

ဗုဒ္ဓ၏ အံ့သြဖွယ် မိန့်ခွန်းတော်များ


ဗုဒ္ဓ၏ အံ့သြဖွယ် မိန့်ခွန်းတော်များ

“ဗုဒ္ဓ” သည် ကမ္ဘာပေါ်ရှိ မည်သည့် ဘာသာ အယူဝါဒ ထူထောင် ဖွဲ့စည်းသူမျှ မပြုလုပ်ဝံ့၊ မပြုလုပ်နိုင်သော“ထူးခြားအံ့ဖွယ် ကမ္ဘာကျော် မိန့်ခွန်းတစ်ရပ်”ကို ရဲဝံ့ ပြတ်သားစွာ ဟောကြားခဲ့ ပါသည်။

အိန္ဒိယနိုင်ငံ၊ ကောသလတိုင်း၊ ကေသမုတ္တိရွာသား၊ ကာလာမ လူမျိုးတို့ကို ဟောကြားသော “ကာလာမသုတ္တန်” သည် “အမှန်တရားကို ရှာဖွေသူ တစ်ဦးထံသို့ ဗုဒ္ဓ၏ လက်ဆောင် လမ်းညွှန်ချက်” တရားတို့ပင် ဖြစ်သည်။

ဤ သုတ္တန်တရားတော်မှ ဗုဒ္ဓ၏ မိန့်ခွန်းသံသည် အတွေးအမြင် မှုန်ဝါးနေသူကို အလင်းရောင်ခြည် ရစေသော “မီးရှုးတန်ဆောင်ပမာ” ဖြစ်ပါသည်။


ဘာသာရေး ထုံးတမ်းစဉ်လာ ကြားတွင် တွေဝေငေးမော နေသူများကို သစ္စာတရား လမ်းမှန်ဆီသို့ တက်တက်ကြွကြွ လျှောက်လှမ်းနိုင်အောင် လမ်းဖွင့် ပေးလိုက်သော ကြည်လင် ချိုမြသည့် “ဓမ္မခေါင်းလောင်းသံ”လည်း ဖြစ်ပေသည်။

ဗုဒ္ဓ ၏ ထို မိန့်ဆိုချက်မှာ……

“အို….ကာလာမလူမျိုး အမျိုးကောင်းသားတို့…၊ သင်တို့သည် လက်ခံကျင့်သုံး အပ်သော အမှန်တရား ဓမ္မတို့ကို ဤ အချက် (၁၀) ချက်ဖြင့် ဆင်ခြင်စိစစ်၍ ဆုံးဖြတ် အားထုတ်ကြ ကုန်လော့…။

(၁) ဤတရားတော်သည် မိရိုးဖလာ ရှေးအစဉ်အဆက်က ပြောကြား သိမှတ် လာခဲ့တာပဲလို့ “ရှေးစကား” ဖြစ်ရုံနဲ့လည်း အယူဝါဒတစ်ခုကို လက်မခံလိုက်ပါ နဲ့ဦး။

(၂) ဘိုးစဉ်ဘောင်ဆက် ကျင့်သုံးလာခဲ့တဲ့ “ဓလေ့ထုံးစံ” ဖြစ်ရုံနဲ့ပဲ အားလုံးကို အမှန်ဖြစ်တယ် လို့ ယူဆပြီး လက်မခံလိုက်ပါနဲ့ဦး။

(၃) လူအများက ပြောနေကြတာပဲ ဆိုပြီးတော့ လူသိထင်ရှား “နာမည် ကျော်ကြားရုံ” နဲ့ မစူးစမ်း မဆင်ခြင်ဘဲ အဲဒီ အယူဝါဒကို လက်မခံလိုက် ပါနဲ့ဦး။

(၄) “ရှေးဟောင်း စာပေကျမ်းဂန်” တွေထဲမှာ ရေးထားတာပဲ ဆိုပြီးတော့လည်း အလွယ် တကူ လက်မခံ လိုက်ပါနဲ့ဦး။

(၅) မိမိဥာဏ်ရှိသမျှ တွေးခေါ် ကြံဆထားတဲ့ “အယူအဆ” ကိုလည်းပဲ မှန်လှပြီ လို့ မသတ်မှတ် လိုက်ပါနဲ့ဦး။

(၆) အဲဒီတရား အယူအဆဟာဖြင့် ထောက်ပံ့ အမှီပြုအပ်တဲ့ “နည်းနာ နိဿယ” တွေ၊ အကြောင်းပြချက်တွေ ရှိနေတာဘဲ ဆိုပြီးတော့လည်း အလွယ် တကူ လက်မခံလိုက်ပါနဲ့ဦး။

(၇) မိမိဘာသာ “တွေးခေါ်ကြံစည် ဆင်ခြင်ပြီး” ဟုတ်လှပြီ လို့ သဘောကျ နှစ်ခြိုက်ရုံနဲ့လဲ မှန်လှပြီ လို့ မယူဆ လိုက်ပါနဲ့ဦး။

(၈) ဒီတရား အယူအဆတွေ ဟာဖြင့် မိမိစဉ်းစား တွေးတော ထားတာတွေနဲ့“တူညီတာပဲ” ဟု ဆိုရုံမျှနဲ့ လည်း အမှန်တွေဘဲ လို့ လက်မခံလိုက် ပါနဲ့ဦး။

(၉) အများက “လေးစားရိုသေ အပ်တဲ့ ပုဂ္ဂိုလ်ကြီး” ရဲ့ ပြောတဲ့ စကားပဲ ဆိုပြီး တော့လည်း မဆင်မခြင်ပဲ မယုံကြည် လိုက်ပါနဲ့ဦး။

(၁၀) ငါတို့ ရင်းနှီး ကျွမ်းဝင်ချစ်ခင်တဲ့ “ငါတို့ဆရာသမား” ပြောကြားတဲ့ စကားပဲ ဆိုပြီတော့လည်း အပြီးသတ် လက်ခံ ယုံကြည်မှုကို မပြုလိုက်ပါနဲ့ဦး။


“ကာလာမ လူမျိုးတို့……

သင်၏ ကိုယ်ပိုင်ဥာဏ်ဖြင့် ဦးစွာဆင်ခြင် သုံးသပ်ကာ…

ဤတရားတို့ကား.. မကောင်းမှု တရားတို့ပေတည်း။

ဤတရားတို့ကား.. အကျိုးမဲ့ အပြစ်ကိုသာ ဖြစ်စေသော တရားတို့တည်း။

ဤတရားတို့ကား.. ပညာရှိတို့ ကဲ့ရဲ့အပ်သော တရားတို့တည်း။

ဤတရားတို့ကား.. ဆင်းရဲ ဒုက္ခအပေါင်းမှ လွတ်မြောက်ကြောင်း မဟုတ်သော တရားတို့ပေတည်း……
ဟု ရှောင်ရှား ပယ်စွန့်သင့်သည် တို့ကို စွန့်ပစ်ကာ လက်ငင်း အကျိုးကျေးဇူး အမှန်တကယ် ပြုနိုင်သော တရားတို့ကိုသာ လက်တွေ့ ကျင့်သုံးပြီးမှ ယုံကြည် လက်ခံကြပါ…ဟု ပွင့်လင်းစွာ မိန့်ကြားခဲ့ ပါသည်။

“ဘာသာအယူဝါဒ ဂိုဏ်းဂဏ ထူထောင်သူတို့သည်…

ငါ့ကိုသာ ယုံကြည်ကိုးကွယ် ကြရမည်။
ငါပြောသည့် အတိုင်းသာ ပြုလုပ်ကြရမည်။
ငါ့ကို မယုံကြည်လျှင် အပြစ်ရှိသည်။ ငရဲ သို့ကျရောက်စေရမည်။”
ဟု ခြိမ်းခြောက် ဟောပြော၍ လူစုနေချိန်တွင်……”

“ဗုဒ္ဓ” က…

“ငါပြောတာကိုလည်း ရမ်းပြီး မယုံလိုက်ပါနဲ့ဦး။ ဆင်းရဲဒုက္ခ ငြိမ်းအေးပြီး ချမ်းသာသုခကို ဖြစ်စေတဲ့….သစ္စာ(၄)ပါး၊မဂ္ဂင်(၈)ပါး.. တရားဓမ္မကို ဦးစွာ ကျင့်သုံးပြီး ကိုယ်တိုင် ပစ္စုပ္ပန်မှာ လက်တွေ့ သဘာဝကျကျ အကျိုးခံစားရမှ ယုံယုံကြည်ကြည်နဲ့ လက်ခံကြပါ”…ဟု  ဟောကြားရဲခြင်းသည် …ဓမ္မ၏ မြင့်မြတ် မှန်ကန်သော...ဂုဏ်တော် တစ်ရပ်ပင်ဖြစ်ပြီး၊ ကမ္ဘာပေါ်ရှိ ဘာသာအယူဝါဒ မျိုးစုံတို့ အတွက် “အံ့သြ တုန်လှုပ်ဖွယ် မိန့်ခွန်းတော် တစ်ရပ် ” ပင် ဖြစ်ပေတော့သည်။

post by နှင်းဆီဖူးလေးများ-Love BUDS
https://www.facebook.com/loveBUDS.6
note by “ဓမ္မရသစာစုများ” (အမှတ်(၂)၊ (စာ-၁၄))
(cop from umyokyaw)
note&photo credit to original uploader
photo from google

1 comment:

  1. ကာလမသုတ်ကိုသာ မဟောခဲ့ရင် ကျနော် ခရစ္စ်ယန်ဘာသာကို ပြောင်းဖြစ်မလား မသိဘူး။ ဒါပေမဲ့ ဗုဒ္ဓတရားတော်ဟာ အများကြီးကျယ်ပြန့်တယ်၊ သိမ်မွေ့တယ်။ စာဖတ်ရုံနဲ့ နားမလည်ပါဘူး။ အခု ဘုန်းကြီးအများစုဟောနေကြတာက ဖတ်ထားကျက်ထားတဲ့ တရားတော်တွေကို အမှတ်နဲ့ဟောနေတာ။ သူတို့ကိုယ်တိုင် တစ်မဂ်မှလဲ ရအောင် အားမထုတ်ဘူး၊ တစ်ဈာန်မှလဲ မဝင်စားနိုင်ဘူး။ ဗုဒ္ဓသာသနာကို တကယ်ကြီးပွားစေချင်ရင် တရားပေါက်တဲ့အထိ ဇွဲနဲ့ တရားထိုင်ဖို့ပဲ။ ဗုဒ္ဓက ဒါ့ကြောင့် အနိမ့်ဆုံးအားဖြင့် တစ်မဂ် တစ်ဈာန်မရပဲ တရားဟောရင် ယုတ်မာသောလောဘနဲ့ ဟောတာလို့ အဆုံးထိပြောခဲ့တာ ဖြစ်တယ်။ အဲဒါကို ကိုယ်တိုင်ဖတ်ကြည့်ချင်ရင် လောဟိစ္စသုတ် ပိဋကမြန်မာပြန်ကိုသာ လှန်ဖတ်ကြည့်ပေတော့။

    နောက်ပြီးဝိနယထဲမှာ ပါတာတစ်ခုက ကိုယ့်တရားမဟုတ်ပဲ သူများတရားနဲ့ အငှားဟောရင် သူခိုးကြီး ၂၅ ပါးမှာပါသတဲ့၊ အာပတ်သင့်သတဲ့။

    ခုဘုန်းကြီးတွေက လက်ပ်တော့နဲ့ ကွန်ပျူတာနဲ့ လက်ကိုင်ဖုန်းနဲ့ နေရာတကာဝင်ပါပြီး ဖင်ခေါင်းပဲကျယ်နေကြတယ်။ ဗုဒ္ဓအလိုကျ ဘယ်လိုဆုံးမခဲ့တယ်ဆိုတာ သိချင်ရင် မဟာဂန္ဓာရုံဆရာတော် အရှင်ဇနကာဘိဝံသက သာသနာပြု သြဝါဒတရားတော်များဆိုတဲ့စာအုပ်ကို ရှာဖတ်ကြည့်ကြ။ တကယ်လို့များ သေလွန်တဲ့နောက် အပါယ်ငရဲဆိုတာ တကယ်ရှိခဲ့ရင် ငရဲက ဆီပူဒယ်အိုးတွေဟာ အကုန် ဆနွင်းဖြူးထားသလို ဝါထိန်နေလိမ့်မယ်လို့ပဲ ပြောလိုက်ပါတယ်။

    ReplyDelete