လူကုန်ကူးမှု အန္တရာယ်ကင်းသော ရွှေ့ပြောင်း သွားလာရေး

ရန်ကုန်၊ စက်တင်ဘာ ၁

လွန်ခဲ့သောနှစ်ပေါင်း များစွာက ကျွန်တော်တို့ ကမ္ဘာကြီးပေါ်တွင် အလွန်ရက်စက် ကြမ်းကြုတ်သည့် ကျေးကျွန် စနစ်ကြီး ပေါ်ပေါက်ခဲ့
ဘူးပါသည် ။ ၎င်းစနစ်မှ ကျွန်ပိုင်ရှင်များသည် လူသားစင်စစ် ကျွန်များအား တိရိစ္ဆာန်များသဖွယ် ခိုင်းစေကြသည်၊ အရောင်းအ၀ယ်ပြုကြသည်၊ အသက်ကိုပင် ပိုင်ဆိုင်ခဲ့ကြသည်။

ထို့ကြောင့် လူအများက အဆိုပါကျွန်စနစ်ကြီးကို ၀ိုင်းဝန်းတော်လှန် ခဲ့ကြသဖြင့် လွန်ခဲ့သောနှ စ်ပေါင်း ၂၀၀ ခန့်တွင် ကျေးကျွန်စနစ်ကြီး ကမ္ဘာပေါ်မှပျောက်ကွယ် ခဲ့ရသည်ဟု လူအများသိရှိခဲ့ကြပါသည်။


သို့သော်လည်း ၁၉၉၀ ပြည့်ခန့်မှစ၍ ခေတ်သစ်ကျွန်စနစ်အား လူကုန်ကူးမှု အဖြစ်ပုံစံသစ်ဖြင့် ကမ္ဘာပေါ်၌ ပြန်လည်တွေ့ရှိလာကြရသည်။

လူ့အခွင့်အရေးကို အဆိုးဝါးဆုံး ဖေါက်ဖျက်ကျူးလွန်နေသည့် လူကုန်ကူးမှုသည် ယနေ့ ကမ္ဘာအနှံ့အပြားတွင် ကျယ်ပြန့်စွာဖြစ်ပွားလျက်
ရှိသည်ကို တွေ့ရှိနေရ ပေသည်။ အကြမ်းဖက်မှု၊ မူးယစ်ဆေးဝါးမှု
များကဲ့သို့ပင် လူသားတို့ကို ခြိမ်းခြောက်လျက်ရှိသည်ကို တွေ့ရှိရသည်။

ဆင်းရဲနွမ်းပါးခြင်း၊ အလုပ်အကိုင် အခွင့်အလမ်းနည်းပါးခြင်း၊ မိသားစု
အတွင်း အကြမ်းဖက်မှု ကျူးလွန်ခြင်း၊ ပဋိပက္ခများနှင့် စစ်ပွဲများဖြစ်ပွားမှု
အခြေအနေရှိခြင်း၊ သဘာဝကပ်ဘေးများ ကျရောက်ခြင်း၊ လိင်ပိုင်းဆိုင်ရာ ခွဲခြားဆက်ဆံခြင်းစသည့် အကြောင်းတရားများသည် လူကုန်ကူးမှု ဆိုသည့်အကျိုးတရားကို ဖြစ်ပွားစေရန် တွန်းအားပေးနေသည့်
အချက်များပင်ဖြစ်တော့သည်။

လူကုန်ကူးမှုသည် တိုးတက်လာသော နည်းပညာများအရ ကျူးလွန်ရန်လွယ်ကူးခြင်း၊ အရင်းအနှီး နည်းနည်းဖြင့် အမြတ်အစွန်းကြီးမားစွာ ရရှိခြင်းတို့ကြောင့် လူကုန်ကူးမှုပြဿနာသည် အလျှင်အမြန် ကြီးထွားလျက် ရှိနေပေသည်။ မိမိတို့ စားဝတ်နေရေးဘ၀ ရပ်တည်ရန် ခက်ခဲနေမှုများကြောင့် တစ်နေရာမှ တစ်နေရာသို့
ရွှေ့ပြောင်း သွားလာကာ အလုပ်လုပ်ကိုင်နေသူများသည် လူကုန်ကူးသူ
တို့၏ ပစ်မှတ်များ ဖြစ်လာကြသည်။ အထူးသဖြင့် ကလေးများနှင့်
အမျိုးသမီးများ အပေါ် ပို၍ကျူးလွန်လာကြသည်။ မြန်မာနိုင်ငံတွင် ယနေ့အများဆုံးတွေ့ရှိရသော လူကုန်ကူးမှုပုံစံများမှာ အဓမ္မထိမ်းမြားခြင်း၊ ပြည့်တန်ဆာ ပြုခြင်း၊ အဓမ္မ အလုပ်ခိုင်းစေခြင်း၊ သူတောင်းစား အဖြစ်ခိုင်းစေခြင်း စသည်တို့ဖြစ်သည်။

လူကုန်ကူးခံရ ခြင်းကြောင့် ခံရသူတစ်ဦးချင်းအနေဖြင့် ရုပ်ပိုင်းဆိုင်ရာ
သာမက စိတ်ပိုင်းဆိုင်ရာများ ထိခိုက်နစ်နာရ သကဲ့သို့
နိုင်ငံအနေဖြင့် ကြည့်မည်ဆိုလျှင်လည်း အမျိုးအနွယ်ပျက်စီးခြင်း၊ ဂုဏ်သိက္ခာထိခိုက်ခြင်း၊ လူသားအရင်းအမြစ် များလျော့ပါးခြင်းတို့
စသည်ဖြင့် ထိခိုက်နစ်နာ ရပေသည်။

လူကုန်ကူးမှုဖြစ်ပွားမှု များတွင် ယေဘူယျအားဖြင့် အဆင့်(၃)ဆင့်တွေ့ရ၏။ 

ပထမအဆင့်တွင် သွေးဆောင်ခြင်း၊ လိမ်လည်လှည့်ဖြားခြင်း၊ ခြိမ်းခြောက်/အနိုင်အထက်ပြုခြင်းတို့ဖြင့် လူကိုသိမ်းသွင်း စုဆောင်းခြင်းပြုကြသည်။

ဒုတိယအဆင့်တွင် စုဆောင်း ထားသူများကို တစ်နေရာမှ တစ်နေရာသို့ ပို့ဆောင်ခြင်း၊ လွှဲပြောင်းခြင်း၊ ရောင်း/၀ယ်ခြင်း၊ လက်ခံခြင်း တို့ကိုပြုလုပ်ကြသည်။ 

တတိယအဆင့်တွင် ထိုသူများကို လိင်ပိုင်းဆိုင်ရာ၊ လုပ်အားပိုင်းဆိုင်ရာ တို့တွင် ခေါင်းပုံဖြတ်ကြသည်။ ခန္ဓာကိုယ်၏ အင်္ဂါ အစိတ်အပိုင်းများအား ထုတ်ယူ ဖယ်ရှားရောင်းချကြခြင်း
အားဖြင့် ခေါင်းပုံဖြတ်ခြင်းတို့ကို ပြုလုပ်ကြသည်။

မြန်မာနိုင်ငံရဲတပ်ဖွဲ့၊ လူကုန်ကူးမှု တားဆီးနှိမ်နင်းရေး ရဲတပ်ဖွဲ့သည် အထက်ပါအဆင့်(၃)ဆင့်တွင် အခြေခံ၍ စုံစမ်းဖေါ်ထုတ်
အရေးယူမှု များကို ဆောင်ရွက်လျက်၇ှိ သကဲ့သို့ လူကုန်ကူးမှုများ မဖြစ်ပွားစေရေး ကြိုတင်ကာကွယ်မှုအဖြစ်
ပြည်သူလူထု အလွှာအသီးသီး တို့အတွင်း လူကုန်ကူးမှု တားဆီး
ကာကွယ်ရေး ဆိုင်ရာ အသိပညာပေးမှုများကိုလည်း နည်းလမ်းမျိုးစုံဖြင့်
ဆောင်ရွက်လျက် ရှိသည်မှာ အားလုံးအသိပင် ဖြစ်ပါသည်။

လူသားများသည် မိမိနေထိုင်ရာဒေသထက် ပို၍ဖွံ့ဖြိုးတိုးတက်သော၊ အလုပ်အကိုင် အခွင့်အလမ်းပေါများသောဒေသများသို့
ရွှေ့ပြောင်းသွားလာကြသည်မှာ ရှေးကမ္ဘာဦးအစ လူသားဟူ၍ ဖြစ်ပေါ်လာသည့်အချိန်မှ ယနေ့အချိန်အထိဖြစ်ပါသည်။ လူကုန်ကူးသူများသည် ယင်းလူသားသဘာဝကို အခွင့်ကောင်းယူ၍
ရွှေ့ပြောင်းသွားလာ အလုပ်လုပ်ကိုင်သူများ အပေါ် လူကုန်ကူးမှုများ
ကျူးလွန်ကြသည်။ ထို့ကြောင့် ရွှေ့ပြောင်းသွားလာသူများ အနေဖြင့် အန္တရာယ်မှ နည်းနိုင်သမျှ နည်းစေရေးအတွက် UNIAP နှင့်
မြန်မာနိုင်ငံ လူကုန်ကူးမှု  တားဆီး ကာကွယ်ရေးဗဟိုအဖွဲ့တို့က ပူးပေါင်းထုတ်ဝေထားသော လက်ကမ်းစာစောင်ပါ.........
 
အောက်ပါ အချက်များအား သိရှိဆောင်ရွက်သင့်ကြောင်း အကြံပြုတင်ပြ လိုက်ရပါသည်-

(၁) သင့်ကိုခေါ်သွားမည့် ပွဲစား၏အကြောင်းကို သေချာသိအောင်လုပ်ပါ၊ ၎င်း၏လိပ်စာ၊ ဖုန်းနံပါတ်၊ မှတ်ပုံတင်နံပါတ်များ ကိုတောင်းပါ၊ ယခင်က ထိုသူ ပို့ပေးထားဖူးတဲ့ လူတွေဆီကနေ ထိုနေရာမှာ အဆင်ပြေ/မပြေ စုံစမ်းပါ၊ သင်၏ရပ်ရွာမှ ရပ်ရွာ စောင့်ကြည့်အဖွဲ့ဝင်များ၊ ဗဟုသုတကြွယ်ဝ သူများနှင့် တိုင်ပင်ပါ။

(၂) သင့်ကို အလုပ်ရှာပေးမည့် ပြည်ပ အလုပ်အကိုင်အေဂျင်စီသည် အမှန်အကန်ဟုတ်/ မဟုတ်၊ လိုင်စင်ရှိ/မရှိ စုံစမ်းပါ။

(၃) ခရီးမထွက်မီ သင့်တွင်ရှိသော မှတ်ပုံတင်၊ နိုင်ငံကူးလက်မှတ်စသည့် စာရွက်စာတမ်း များကို မိတ္တူကူး၍ အိမ်မှာထားခဲ့ပါ၊ သင့်ကို လိုက်ပို့မည့်သူ၊ အလုပ်ရှင်နှင့် အလုပ် နေရာတို့၏ နာမည်၊ လိပ်စာ၊ ဖုန်းနံပါတ်များကို သင့်မိသားစုကိုပေးထားခဲ့ပါ။

(၄) သင့်မိသားစု၏ ဖုန်းနံပါတ်၊ အကြောင်းရှိပါက သင်အကူအညီ
တောင်းနိုင်မည့်သူ၊ ရုံးနှင့် အဖွဲ့အစည်းများ၏ ဖုန်းနံပါတ်များကို ကိုယ်နှင့်မကွာဆောင်ထားပါ၊ အရေးကြီးသော နံပါတ်များကို အလွတ်ကျက်မှတ်ထားပါ။

(၅) သင်အလုပ်လုပ်ရမည့် နေရာနှင့် အလုပ်အမျိုးအစား၊ စားသောက်နေထိုင်ရမည့် အခြေအနေတို့ကို သိအောင်မေးထားပါ၊ အလုပ်ကန်ထရိုက်စာချုပ်ကို သေသေချာချာ ဖတ်ပြီး နားလည်
လိုက်နာနိုင်မှ လက်မှတ်ထိုးပါ။

(၆) ပတ်ဝန်းကျင်သစ်မှာ သင်နှင့် စိတ်ဓါတ်၊ ဓလေ့စရိုက်၊ အမူအကျင့်မတူသူများနှင့် လိုက်လျော ညီထွေနေနိုင်ဘို့ကိုလည်း  ကြိုတင်ပြင်ဆင်ထားပါ။

(၇) သင်အလုပ်လုပ်မည့်နေရာရောက်သည်နှင့် မိသားစုကို ပုံမှန်ဆက်သွယ်မှုလုပ်ပါ၊ အကူအညီ တောင်း၍ရမည့်
နေရာများကို သိအောင်လေ့လာ မှတ်သားထားပါ၊ အရေးအကြောင်းရှိပါက အိမ်သို့ပြန်နိုင်ရန် ပိုက်ဆံစုထားပါ။

(၈) သင်၏ (ယာယီ)နိုင်ငံကူးလက်မှတ်နှင့် မှတ်ပုံတင်၊ အလုပ်ကန်ထရိုက် စာချုပ်၊အလုပ် လုပ်ခွင့်ပါမစ် စသည်တို့ကို အလုပ်ရှင်ကို ဘယ်တော့မှ မပေးလိုက်ပါနှင့်၊ ယင်းစာရွက် စာတမ်းများမရှိလျှင် ၎င်းတို့ချယ်လှယ်သမျှ လုပ်သမျှ သင်ခံရလိမ့်မည်။

(ရဲဇာနည် facebookwww.facebook.com/pages/ရဲဇာနည်/463287083724096 တွင်ဖော်ပြထားရှိပါသည်။)
                  Facebook မှမျှဝေဖေါ်ပြသည်.....