*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Thursday 13 March 2014

မလေးရှား လေယာဉ် ပျောက်ဆုံးမှု မြန်မာ နက္ခတ်ဗေဒင် ပညာရှင်နှစ်ဦး ဟောကိန်းထုတ်သည့် သတင်းမမှန်


မလေးရှား လေယာဉ် ပျောက်ဆုံးမှု အတွက် လေဆိပ်မှာ နတ်ဆရာ ပင့်ဖိတ်ကာ အစီအရင်များဖြင့် ဆုတောင်း နေစဉ်။


ရန်ကုန်၊ မတ် ၁၂

မြန်မာနိုင်ငံ၏ နာမည်ကျော် ဗေဒင်နှင့် နက္ခတ်ပညာရှင်များ ဖြစ်ကြသော စံဇာဏီဘိုနှင့် ဦးဇေယျာကို တို့က တောင်တရုတ် ပင်လယ်ပြင်ပေါ်တွင် မတ်လ ၈ ရက်နေ့ကတည်းက ဂမ္ဘီရ ဆန်ဆန် ပျောက်ဆုံးနေသော မလေးရှား လေကြောင်းပိုင် လေယာဉ်နှင့် ပတ်သက်၍ ဟောကိန်း ထုတ်ထားသည် ဆိုသော သတင်းများမှာ မှန်ကန်မှု မရှိကြောင်း ပညာရှင် နှစ်ဦးစလုံးက The Voice သို့ အတည်ပြု ပြောကြားသည်။




“ငါးရက်ကြာ ပျောက်ဆုံးနေသော မလေးရှား လေကြောင်းပိုင် လေယာဉ်မှာ အကြမ်းဖက်သမားတွေ ဖမ်းသွားတာ။ အားလုံး မသေသေးဘူး။ အသက်ရှင်နေသေးတယ်” ဟု နာမည်ကြီး ဗေဒင်ပညာရှင် စံ(ဇာဏီဘို) က ဟောသည်ဟု ဖော်ပြထားပြီး နက္ခတ်ပညာရှင် ဦးဇေယျာကိုကမူ “ယင်းလေယာဉ် မှာ Black Hole တွင်းနက်ကြီးထဲ ရောက်ရှိသွားသည်” ဟု Online မီဒီယာ အချို့တွင် ဟောကိန်း ထုတ်သည်ဟု ဖော်ပြထားခြင်းကို ကာယကံရှင် နှစ်ဦးစလုံးက ငြင်းဆိုခဲ့ခြင်း ဖြစ်သည်။

“မဟုတ်ပါဘူး။ ကျွန်တော်ပြောတာ မဟုတ်ပါဘူး။ ကျွန်တော့် နာမည်ကို အလွဲသုံးစား လုပ်တာပါ” ဟု ဆရာစံဇာဏီဘိုက ဆိုသည်။

ဂမ္ဘီရဆန်ဆန် ပျောက်ဆုံးနေသော ယင်းလေယာဉ်နှင့် ပတ်သက်ပြီး မည်သို့သော အကြောင်းအရာ ကိုမှ ဟောကိန်း မထုတ်ကြောင်း၊ ပြည်တွင်း ပြည်ပရှိ မည်သူ တစ်ဦးတစ်ယောက်ကိုမှ ယင်းလေ ယာဉ်နှင့် ပတ်သက်ပြီး ဖြေကြားခြင်း မပြုကြောင်း ဆရာစံဇာဏီဘိုက အတည်ပြု ပြောကြားသည်။

နာမည်ကျော် နက္ခတ်ပညာရှင် ဦးဇေယျာကိုကလည်း ငါးရက်ကြာ ပျောက်ဆုံးသော မလေးရှား လေ ယာဉ်နှင့် ပတ်သက်ပြီး မည်သည့် ဟောကိန်းမှ မထုတ်ခဲ့ကြောင်း ပြန်လည် ဖြေကြားသည်။
 

ခရီးသည် ၂၂၉ ဦးနင့် လေယာဉ် အမှုထမ်း ၁၂ ဦး လိုက်ပါလာသော မလေးရှား လေကြောင်းပိုင် ဘိုးရင်း ၇၇၇ (လေကြောင်းခရီးစဉ် MH370) မှာ မလေးရှားနိုင်ငံ ကွာလာလမ်ပူ လေဆိပ်မှ တရုတ်ပြည်သူ့ သမ္မတနိုင်ငံ ဘေဂျင်း လေဆိပ်သို့ ပျံသန်းစဉ် မတ်လ ၈ ရက် နံနက်ပိုင်းက ထူးဆန်း အံ့သြဖွယ် ကောင်းစွာ ပျောက်ဆုံးနေခြင်း ဖြစ်သည်။

The Voice Weekly

From...Thit Htoo Lwin



မလေးရှား လေယာဉ် ပျောက်ဆုံးမှု အတွက် လေဆိပ်မှာ နတ်ဆရာ ပင့်ဖိတ်ကာ အစီအရင်များဖြင့် ဆုတောင်း နေစဉ်။

No comments:

Post a Comment