*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Tuesday 17 December 2013

ကျပ်နှစ်သိန်းမှစ၍ ၀ယ်ယူနိုင်မည့် ရွှေတုံးများ ဖေဖော်ဝါရီ ၁၂ ရက်တွင် ဈေးကွက်အတွင်း စတင်ရောင်းချမည်



ကျပ်နှစ်သိန်းမှစ၍ ၀ယ်ယူနိုင်မည့် ရွှေတုံးများကို ၂၀၁၄ ခုနှစ် ဖေဖော်ဝါရီ ၁၂ ရက်တွင် ဈေးကွက်အတွင်း စတင်ရောင်းချမည် ဖြစ်ကြောင်း မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်မှ သိရသည်။

“ဒီဈေးကွက်က မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်ရဲ့ ပထမခြေလှမ်း လို့ ပြောလို့ ရပါတယ်။ ရွှေဝယ်စုတဲ့သူတွေ ဈေးနည်းနည်းနဲ့ အတုံးဝယ်စုလို့ရအောင် လုပ်ပေးတာပါ။ 


အရည်အသွေးပိုင်းကို ၉၉.၉၉ အရည်အသွေးရအောင် လုပ်ထားတယ်။ တံဆိပ်ပိုင်းကိုလည်း အတုအပ မရှိအောင် လုပ်သွားမှာပါ။ နည်းပညာကို အိန္ဒိယနဲ့ ဥရောပနိုင်ငံတွေက လေ့လာခဲ့တယ်။ 

ဒီရွှေတုံးကို ၀ယ်ပြီး ပြန်ရောင်းချင်တယ်ဆိုရင်လည်း ပြန်ဝယ်ပေးမှာပါ” ဟု မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်မှ ဒါရိုက်တာဦးရဲသူအောင်က ပြောကြားသည်။

ရွှေတုံးများ၏အလေးချိန်ကို ဂရမ်အလိုက်သတ်မှတ်ထားပြီး ၂ ဒသမ ၅ ဂရမ် မှ ၁၀၀ ဂရမ်အထိရှိ ကာ ဈေးနှုန်းမှာပျမ်းမျှအားဖြင့် ၂ ဒသမ ၅ ဂရမ်တစ်တုံးလျှင် ကျပ်နှစ်သိန်းခွဲနှင့် ၁၀၀ ဂရမ်ဆိုပါက ကျပ်သိန်း ၄၀ ကျသင့်မည်ဖြစ်ပြီး ဈေးကွက်အတွင်းရှိ ရွှေဆိုင်များကို ရောင်းချပေးသွားမည်ဖြစ်ကြောင်း သိရသည်။

အဆိုပါရွှေတုံးများကို ပြည်တွင်းဈေးကွက် အတွင်း၌သာ ရောင်းချ သွားမည်ဖြစ်ပြီး နောက်ပိုင်း တွင် ဈေးကွက် မှဝယ်လိုအားနှင့် မှာယူမှုများရှိလာပါက ပြည်ပဈေးကွက်သို့ပါ တင်ပို့ရောင်းချမှု များ ပြုလုပ်သွားမည်ဟု သိရသည်။

မြန်မာနိုင်ငံမှ ထွက်ရှိသည့်ရွှေများကို ပြည်တွင်းဈေးကွက်၌သာ အဓိကထားရောင်းချလျက် ရှိရာ ပြည်ပနိုင်ငံများမှ နည်းပညာများကိုလေ့လာ၍ တန်ဖိုးမြှင့်ကုန်ချောများအဖြစ် ပြည်ပနိုင်ငံဈေးကွက်  သို့ ချဲ့ထွင်သင့်ကြောင်း၊ ဈေးကွက်အတွင်းရှိ တရားမ၀င် ရွှေကုန်သွယ်မှုများကိုလည်း တရားဝင် လမ်းကြောင်းပေါ်သို့ ရောက်ရှိစေရန် ပြုလုပ်သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီး ဦးဝင်းမြင့်က မြန်မာနိုင်ငံရွှေလုပ်ငန်းရှင်များအသင်း၏ (၁၁) ကြိမ်မြောက်နှစ်ပတ်လည် အသင်း သားစုံညီ အစည်းအဝေးတွင် ပြောကြားခဲ့သည်။

Credit: EMG
 From...Search Myanmar

No comments:

Post a Comment