*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Monday 13 January 2014

မိလိန္ဒကျမ်း၏ အဓိက ပုဂ္ဂိုလ်များဖြစ်သော မိလိန္ဓမင်းကြီးနှင့် အရှင်နဂသေန တို့ ရှိခဲ့သော သာသနာ ထွန်းကားခဲ့သော ယောနကတိုင်း ခုတစ်ဖန် ယောနကတိုင်း (ပါကစ္စတန် ၊ အာဖဂန်နစ္စတန်နှင့် တာကစ္စတန်နိုင်ငံတို့ပါဝင်သောနယ်မြေ)

ဗဟုသုတ ဟင်းပေါင်းအိုးကြီး's photo.

သာသနာနှစ် ၅၀၀ (ခရစ်တော်မပေါ်မီ နှစ်၁၀၀) ယောနကတိုင်း ဆိုသည်မှာ တောင် အရှတိုက် အနောက် ဘက်မြောက် ပိုင်းရှိ ရှေးက ဘက်ထရီးယားဟု ခေါ်တွင်သည့် ပါကစ္စတန် ၊ အာဖဂန်နစ္စတန်နှင့် တာကစ္စ တန်နိုင်ငံတို့ပါဝင်သော နယ်မြေများဖြစ်သည်။

ထိုဒေသရှိ အလသန္ဒဒီပ အရပ်ကလ သိရွာတွင် မိလိန္ဒသူငယ် ကို မွေးဖွား ခဲ့သည်။ ထိုရွာသည် သာဂလ နေပြည်  တော် နှင့်ယူဇနာ ၂၀၀ ဝေးကွာသည်။ ကလသိရွာ သည် ဆီယာလ်ကွတ်မြို့ (သာဂလ နေပြည်တော်)၏ အနောက်မြောက်ဘက် မိုင် ၄၀၀ ကျော် ၅၀၀ ခန့် ကွာဝေးသော ယခု အာဖဂန်နစ္စတန်နိုင်ငံ ကဘူးလ်မြို့တော် မြောက်ဘက်အနီးရှိ အရပ်ဖြစ်သည်ဟု ရှေးဟောင်းသမိုင်း ပညာရှင်များကလည်း ခန့်မှန်းကြသည်။


ရှေးသာဂလမြို့တော်

=============
သာဂလမြို့သည် မြစ်၊ ချောင်း၊ တောင်တန်းများဖြင့် သာယာရှုမောဖွယ်ကောင်းသည့် အေးချမ်းသော အရပ်ဖြစ် သည်။ ဥယျာဉ်၊ တောတန်း၊ တဖက်ဆည်ကန်၊ လေးထောင့်ကန်တို့ရှိသည်။ 

 
အကြားအမြင်ဗဟုသုတရှိသူတို့ဖန်တီးတည်ထောင်ထားသောမြို့ဖြစ်သည်။ရန်သူများမ၀င်ရောက်နိုင်အောင် ရန်သူတို့မဖျက်ဆီးနိုင်အောင် ထူးခြားဆန်းကြယ်ခိုင်ခံသောတံခါး၊မုခ်ဦး၊နက်သောကျုံးမြောင်း၊ ဖြူဖွေးသော တံ တိုင်း၊ ၀န်းရံထားသော နန်းမြို့ရိုး၊ လမ်းကြီးလမ်းငယ်၊ လမ်းလေးခွဆုံတို့ရှိသည်။ 
ကုန်ပစ္စည်းမျိုးစုံတို့ဖြင့် ပြည့်စုံသော ဈေးတော်ကြီးသာမက အလှူမင်္ဂလာပွဲခင်းကျင်းပနိုင်သည့် မဏ္ဍပ် တန်ဆောင်းများပါဝင်သည်။ ဆင်၊ မြင်း ရထား၊ ခြေသည်တော်များ၊ အဆင်းလှသော ယောကျာင်္း၊ မိန်းမ တို့ပါဝင်သော လူမျိုးစုံ၊ များပြားသော မင်း၊ ပုဏ္ဍား၊ ဆင်းရဲသားများ၊ ပန်းဈေး၊ နံသာဈေး၊ ရတနာဈေးတို့ဖြင့် လိုချင်တပ်မက်ဖွယ်မျိုးစုံရောင်းချသည်။ အတတ်ပညာရှိသူများ၊ လိမ္မာကျွမ်းကျင်သော ကုန်သည်များနှင့် အသပြာ၊ ရွှေငွေစားဖွယ်စုံ ခင်းကျင်းထားသော ဆိုင်ကနားများ ပြည့်စုံသည့်နတ်တို့မြို့တော်နှင့် တူပေသည် ဟု မိလိန္ဒပညာကျမ်းတွင် ဖွင့်ဆိုထားသည်။

ကဘူးလ်မြို့နှင့် ပံချသျှိရ်မြစ်တို့ဆုံရာအနီး ချရိကာခေါ်မြို့တစ်ဝိုက်တွင် အလက်ဇန္တြားဘုရင်၏ မြို့ပျက်များ ကို တွေ့ရှိသည်ကို ထောက်၍ ဤနေရာတစ်ဝိုက်၌ပင် ယောနက ၀ါယနခေါ် ဂရိတို့၏ အနွယ်ဖြစ်သော မိလိန္ဒကို မွေးဖွားခဲ့သည်ဟု မှန်းဆထားကြသည်။ ထိုမြစ်နှစ်နှစ်မြစ်ကြားရှိ ကုန်းမြေကိုပင် ရေပတ်လည် ၀န်းရံလျှက် မရှိသော်လည်း မြစ်နှစ်မြစ်ကြားတွင် တည်ရှိသောကြောင့် ဒီပ ဟုခေါ်ခဲ့ကြဟန်တူပေသည်။


အဆိုပါ ကသ္ဓီရ၊ ဂန္ဓရ နှင့် ယောနကတိုင်း (ယခုအခေါ် ကက်ရှမီးယား၊ ပါကစ္စတန်နှင့် အဖဂန်နစ္စတန်နိုင်ငံ ) များတွင် ရှေးဂရိအနွယ်ဝင် ဘုရင်များ အုပ်စိုးလေသည်။ ထိုဂရိဘုရင်များသည် တိုင်းသူပြည်သားများ ကိုးကွယ်သော ဗုဒ္ဓဘာသာကိုပင် လက်ခံယုံကြည် ကိုးကွယ်ကြသည်။ အသောက နိုင်ငံတော်ကြီး ပြိုကွဲ ပြီးနောက် ယောနကတိုင်း နှင့် ဂန္ဓာရာတိုင်းကို ဆက်လက် အုပ်ချုပ်ရသော ဂရိမင်းဆက် ၃၀ခန့်မျှရှိခဲ့သည်။


ထိုဂရိနွယ်ဝင် ဘုရင်များအနက် သာသနာသက္ကရာဇ် ၅၀၀တွင် ပေါ်ထွန်းခဲ့သော ဘုရင်သည် မိလိန္ဓ မင်းကြီးဖြစ်သည်။ သူသည် ပညာရှိဘုရင်တစ်ပါးဖြစ်သည်။ ထိုမင်းသည် မရှင်းလင်းသော အချက်များကို အရှင် နဂသေန အမည်ရသော ရဟန္တာမထေရ်မြတ်အား မေးမြန်းလျှောက်ထားသည်။ မထေရ်မြတ်သည် မင်းကြီး၏ သံသယများကို အချက်ကျကျ ပယ်ရှင်းလျက် မေးခွန်းတိုင်းကို တိကျပြတ်သား စွာဖြေ ဆိုတော် မူခဲ့သည်။ 
ထိုပညာရှိ မင်းကြီးနှင့် အရှင်နဂသေနတို့၏ အမေးအဖြေများကို မှတ်တမ်းတင်ထားသော ကျမ်း ကို မိလိန္ဒ ကျမ်းဟူ၍ မြန်မာ ဗုဒ္ဓဘာသာ စာပေလောကတွင် စာဖတ်သူတို့ အထင်အရှား သိနေကြဆဲဖြစ်သည်။ မိလိန္ဒကျမ်း သည် ထေရ၀ါဒ ဗုဒ္ဓသာသနာတော်၌ အဌကထာဆရာကြီးများ လေးစားခဲ့ရသည့်  ပါဋ္ဌိတော် စာရင်း ၀င် ကျမ်းပင်ဖြစ်သည်။

မိလိန္ဒဟူသောအမည်ကို ဘက်ထရီးယားအနွယ် ဂရိဘုရင်များ၏ အမည်စာရင်း၌ မိနန္ဒာဟူ၍ ဖော်ပြထား သည်။ သို့သော်လည်း မူလမှတ်တမ်းတင်သူ သည် အိန္ဒိယအမည်နှင့် လျော်ညီအောင် မိနန္ဒာဟူသော အမည်ကို မိလိန္ဒဟူ၍ ပြုပြင်ရေးသား ထားခြင်းဖြစ်သည်။ 
သာသနာနှစ် ၅၀၀ ခရစ်မပေါ်မီ နှစ်၁၀၀ခန့်အချိန်က အဆိုပါ ယောနကတိုင်း၏ နေပြည်တော်ဖြစ်သော သာဂလ ၊ ယခုပါကစ္စတန် နိုင်ငံ ချေနဗ် မြစ် နှင့် ရာဗိ (ရာဝိ)မြစ်ကြားရှိ ဆီးယာလ်ကွတ်မြို့ ၌ ပေါ်ထွန်း ခဲ့သော ပညာရှိ မင်းတစ်ပါး ဖြစ်သည်။
 
 မိလိန္ဒဘုရင်အကြောင်းကို အနောက်တိုင်း စာပေများတွင်လည်း ရေးသားဖော်ပြထားသည်။ ထိုမင်းမြတ် သည် အိန္ဒိယပြည်ထိ တိုင်အာင် ဂရိအင်ပါယာကြီးကို ကျယ်ပြန့်စေခဲ့သော ဘက်ထရီးယားဘုရ င်နှစ်ဦး အနက် တစ်ဦးဖြစ်သည်ဟူ၍ လည်းကောင်း၊ အိန္ဒိယပြည်ကို သွားရောက်အုပ်စိုးသော ဘုရင်တစ်ပါးဖြစ်သည် ဟူ၍လည်းကောင်း ဖော်ပြထားသည်။ 
ထို့အပြင် မိလိန္ဒမင်းကြီးသည် အိန္ဒိယပြည်တွင် နယ်ပယ်များစွာ ချဲ့ထွင်နိုင်၍ အနောက်နိုင်ငံများတွင် အထူးထင်ရှားခဲ့သော အလက်ဇန္ဒြားဘုရင် တည်ထောင်ခဲ့သော ဂရိနိုင်ငံများကို ဆက်လက်အုပ်စိုးသော ဘုရင်တစ်ပါး ဖြစ်သည်ဟု ဖော်ပြကြသည်။ ထို့အပြင် ကသ္ဓိရပြည်နှင့် ပတ်သက်သော မှတ်တမ်းတစ်ခုတွင် ကသ္မီရပြည်ကို လာရောက်အုပ်စိုးခဲ့သော ဂရိလူမျိုးရှစ်ဦးရှိရာတွင် ခုနှစ်ဦးမြောက်ဘုရင်မှာ ဤ မိလိန္ဒ မင်းကြီး ပင်ြ ဖစ်သည်ဟု အဆိုရှိခဲ့သည်။

ဗဟုသုတ ဟင်းပေါင်းအိုးကြီး's photo.

ဂရိနွယ်ဝင် မိလိန္ဒ ဘုရင်၏ ရုပ်ပုံနှင့် အမည်နာမကို ရေးထိုးထားသော ဂန္ဓရခေတ်လက်ရာ ဒင်္ဂါးပြား
*************************************************************************

အိန္ဒိယနိုင်ငံမြောက်ပိုင်းမှ တူးဖော်ရရှိသော ဒင်္ဂါးတို့တွင် မိနန္ဒာ ဟူသော အမည်နှင့်ရုပ်ပုံများ ရေးထိုး သွန်း လုပ် ထားသည်ကို ထောက်ရှုခြင်းအားဖြင့် ခိုင်မာသော သက်သေသာဓက အထောက်အထား များ ဖြစ်သည် ဟု ဆိုရပေတော့မည်။ ထိုနေရာများမှာ တူးဖော်တွေ့ရှိရသော ဒင်္ဂါးအမျိုးပေါင်း ၂၂ မျိုးတွင် မိနန္ဒာ အမည်နှင့် ရုပ်ပုံပါရှိသော ဒင်္ဂါးအမျိုးပေါင်း ရှစ်မျိုးကို ရှာဖွေတွေ့ရှိခဲ့ပေသည်။


အဆိုပါတွေ့ရှိမှုများကို ထောက်ရှုလျှင် မိနန္ဒဘုရင် သာသနာဖြန့်ကျက်စိုးမိုးခဲ့သော နယ်ပယ်များသည် အနောက်သို့လားသော ကဘူးလ်မြစ်၊ အရှေ့သို့လားသော် ကသ္မီရအထိ ဖြစ်၍ နယ်ပယ် အကျယ်အ၀န်း မည်မျှရှိသည်ကို ခန့်မှန်းနိုင်ပေသည်။ ဒင်္ဂါးပေါ်တွင် တွေ့ရှိသော ရုပ်ပုံအား ခန့်မှန်းချက်အရ မိနန္ဒာဘုရင် မှာ ခံညား၍ ပညာရှိလက္ခဏ ပေါ်လွင်ကာ နိုင်ငံနှင့်လူမျိုးကို ချစ်သည့် သူရသတ္တိနှင့်ပြည့်စုံသော ဘုရင် တစ်ပါးဖြစ်ကြောင်းသိသာနိုင်ပေသည်။

 
ဒင်္ဂါးအချို့တွင် မိနန္ဒာဘုရင်၏ ငယ်ရွယ်နုပျိုစဉ်က ပုံကို တွေ့ရပြီး အချို့ပုံများမှာ အိုးမင်းသောပုံများ ကို တွေ့ ရ သဖြင့် ထိုဘုရင် မင်းမြတ်သည် နန်းသက်မည်မျှစိုးစံသွားကြောင်း ခန့်မှန်းနိုင်ပေသည်။

မိနန္ဒာဘုရင်၏ တံဆိပ်ခပ်နှိပ်ထားသော ဒင်္ဂါးများကို ၄င်းနတ်ရွာစံပြီးသည်နောက် နှစ် အတန်ကြာမြင့်အောင် ပင် ကဘူးလ်မြစ်ကမ်း ကမ္ဗောဇတိုင်း၏ မြို့တော်ဖြစ်ခဲ့သော ဂူဂျရတ် (ဂစ္ဆရ)တစ်လျှောက်၌ သုံးစွဲခဲ့သည် ကို ထောက်ရှု၍ မိလိန္ဒဘုရင်ကြီး၏ ဗုဒ္ဓခေတ်ကို သိရှိနိုင်ပေသည်။


တွေ့ရှိသော ဒင်္ဂါးများ၏ တစ်ဖက် မျက်နှာတွင် ဂရိဘာသာဖြင့် စာတန်းထိုးထားပြီး အခြားတစ်ဖက်တွင် ပါဠိဘာသာဖြင့် ရေးထိုးထားသည်ကို တွေ့ရပေသည်။ ဒင်္ဂါးတွင် ဆင်ရုပ် မြင်းရုပ်စသည့် တိရစ္ဆာန်ရုပ်များ အပြင် ရထားဘီး ဓမ္မစကြာပုံများပါ တွေ့ရသဖြင့် ဘာသာတရားကို ကြည်ညိုလေးစား အရေးထားသော မင်းတစ်ပါးဖြစ်သည်။ ထိုမင်းနတ်ရွာစံသောအခါ ရုပ်ကလပ်တော်ကို တိုင်းသူပြည်သားများက တိုက်ခိုက် လုယူကြလေသည်။ ထို့နောက်မှ အရိုးပြာကို စေတီတည်ကြကြောင်း သမိုင်းပညာရှင် ပလုတတ်ခ်ျက ရေး သားခဲ့လေသည်။


မိလိန္ဒပညာကျမ်းကို ရှေးဦးစွာ မှတ်တမ်းတင်ခဲ့သော ပုဂ္ဂိုလ်သည် သီဟိုဠ်ကျွန်း ဒေါဏီမြို့၌ သီတင်း သုံးနေထိုင် တော်မူခဲ့သော ဒေါဏိ မထေရ်ဖြစ်ကြောင်း သိရှိရသည်။ ထိုခောတ်ကာလက ထေရ၀ါဒ ဗုဒ္ဓဘာသာဝင် မထေရ်များအားလုံး လက်ခံယုံကြည် ခဲ့ကြသော ကျမ်းတစ်ဆူဖြစ်သည်။

 
 အရှင်နာဂသေန၏ မွေးဖွားရာဒေသမှာ ဟိမ၀န္တာတောင်၏ အနီးရှိ ဂဇဂ်လရွာဖြစ်သည်။ ထိုရွာသည် ကသ္မီရတိုင်း (သို့) ဂန္ဓရတိုင်းအတွင်းမှ ရွာတစ်ရွာ ဖြစ်သည်။
 
ထို့ကြောင့်အဆိုပါ ယောနက တိုင်းတွင် ထိုခေတ် ထိုအခါ ကာလက ဗုဒ္ဓသာသနာ အရောင်အ၀ါ မည်မျှ ထွန်းလင်းခဲ့ပုံ သာသနာတော်ကို ကြည်ညိုလေးမြတ်သူ ဂရိဘုရင် နှင့် ရဟန္တာပညာရှိတို့ ပေါ်ထွန်းခဲ့ပုံတို့ကို အဆိုပါ သာသနာ့ သမိုင်းအထောက်အထားများကို အထင်အရှား သက်သေပြလျှက်ရှိပေသည်။

ယောနကတိုင်း ၌ မိလိန္ဒမင်းကြီးနောက် နှစ်ပေါင်း ၁၀၀ ကျော်ကြာသောအခါ ဗုဒ္ဓ၀ါဒမှာပြောင်းလဲသွားခဲ့ ပါသည်။ မိလိန္ဒခေတ်တွင်သာ ထေရ၀ါဒ ပင်မဗုဒ္ဓဘာသာ အမှန်စစ်စစ် ထွန်းကားခဲ့သည်။ မိလိန္ဒပညာကျမ်း သည် အရှင်မဟာ မောဂ္ဂလိပုတ္ထတိဿထေရ်နှင့် အသောက မင်းကြီးတို့၏ ကိုးတိုင်း ကိုးဌာန သာသနာပြု လုပ်ငန်းမှ ပေါ်ထွက်လာသောအသီးအပွင့် တစ်ခုဖြစ်ပေသည်။ သာသနာနှစ် ၆၀၀ ပြည့်နှစ်ခန့် သို့ ရောက်သော အခါ အိန္ဒိယပြည်မြောက်ပိုင်းနှင့်အနောက်မြောက်ပိုင်းဒေသတို့တွင် ထေရ၀ါဒ ပင်မ ဗုဒ္ဓသာသနာတော်မရှိတော့ချေ။


သာသနာနှစ် ၆၀၀ ပြည့်နှစ်ခန့်တွင် ရုရှားအနွယ်ဝင် ဘုရင်များကို `သက´ဟုခေါ်ကြသည်။ ကုရှန်မင်းဆက် ဟုလည်း ခေါ်ကြသည်။ ထိုမင်းဆက်များသည် အာဖဂန် နစ္စတန်၊ ဘလူချီတန်၊ ဂန္ဓရ၊ စသော အိန္ဒိယ အလယ်ပိုင်း အတုရာ တိုင်အောင် ၀င်ရောက်လွှမ်းမိုးခဲ့သည်။ သာသနာနှစ် ၆၅၀ ခန့်တွင် ကုရှန်မင်းဆက် ကနိရှက မင်းလက်ထက်တွင် သဗ္ဗတ္ထိ ၀ါဒဂိုဏ်း၏ ပိဋကတ်တော်ကို သင်္ဂါယနာ တင်ခဲ့သည်။ (ထိုသင်္ဂါယနာသည် ထေရ၀ါဒဗုဒ္ဓသာသနာ နှင့် မသက်ဆိုင်ချေ)


ခရစ် ၉ ရာစုတွင် အဆိုပါဒေသကို မူဆလင်တွေက အဓမ္မသိမ်းပိုက်ပြီး သားဖောက်ပြီး သာသနာပြုခဲ့ ပါကြောင်း
ဂရိတိုင်းပြည်မှာ မိလိန္ဒမင်းကြီးသည် ဘယ်လို ၀င်ရောက်ခဲ့ သလဲဆိုတာ နောက်ဆက်တွဲအနေနဲ့ ဆက်လက်ဖော်ပြပါမည်။

လေးစားစွာဖြင့်

ဟန်မျိုးမွန်
__________________________________

Hanmyo Mon'၏ စာမျက်နှာမှ ကူးယူဖော်ပြပါသည်။

From...~{ဗဟုသုတ ဟင်းပေါင်းအိုးကြီး}~


No comments:

Post a Comment