*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Tuesday 24 September 2013

ကျန်းမာရေး အတွက် ခေါင်းအုံးကို သန့်စင်အောင် ထားရန်


ကျန်းမာရေး အတွက် ခေါင်းအုံးကို သန့်စင်အောင် ထားရန်


မည်သူမဆို အိပ်ရာဝင်သည့် အခါ ခေါင်းအုံးနှင့် အိပ်စက်ကြသည်။


လူ့ခန္ဓာကိုယ် အတွင်းမှ စွန့်ထုတ်သော ညစ်ညမ်းသည့် အခိုးအငွေ့နှင့် အရေပြားမှ ချွေးများသည် ခေါင်းအုံး အတွင်းပိုင်းသို့ စိမ့်ဝင် သွားတတ်သည်။ ဦးခေါင်းမှ စိမ့်ထွက်သော ချွေးစေးနှင့် အဆီများ သည်လည်း ခေါင်းအုံးကို ညစ်ညမ်း စေနိုင်သည်။ အချိန်ကြာလျှင် ခေါင်းအုံးသည် အညစ်အကြေး စု၍ နေသော နေရာ ဖြစ်တတ်သည်။



ခေါင်းအုံးထဲ သွတ်ထားသော ဂွမ်းကပ်သည်လည်း အစိုဓာတ်ကို စုပ်ယူတတ်သဖြင့် ရောဂါပိုးနှင့် ဗိုင်းရပ်စ်ပိုး ပေါက်ဖွား လာတတ်သည်။ အထူးသဖြင့် အသက်ရှူ လမ်းကြောင်း ရောဂါရှိသူ၊ အစာခြေ လမ်းကြောင်း ရောဂါ ရှိသူ၊  အရေပြား ရောဂါ ရှိသူနှင့် ကူးစက် ရောဂါရှိသူ သုံးစွဲ ခဲ့သော ခေါင်းအုံး ထဲ၌ ရောဂါပိုး၊ ဗိုင်းရပ်စ်ပိုးနှင့် ကပ်ပါးပိုး များ ရှိသဖြင့် အနာရောဂါ ကူးစက် တတ်သည်။ ထို့ကြောင့် ခေါင်းအုံး ကို သန့်စင်အောင် ခေါင်းအုံးစွပ်၊ ခေါင်းအုံးဖုံး ပဝါကို မကြာခဏ လျှော်ဖွပ် ပေးရမည့် အပြင် ခေါင်းအုံးစွပ် ကိုလည်း ပိုးသန့်စင်အောင် မကြာခဏ နေပူလှန်း ပေးရပါမည်။


အထူးသဖြင့် အအေးမိ ရောဂါနှင့် အခြား ကူးစက်တတ်သည့် ရောဂါများ ဖြစ်နေသည့် အချိန် ခေါင်းအုံးစွပ်ကို သန့်စင်အောင် လျှော်ဖွပ် ပေးရ ပါမည်။ ခေါင်းအုံးကို နေပူလှန်း ပေးရပါမည်။ သို့မှသာ ရောဂါပိုးနှင့် ဗိုင်းရပ်စ်ပိုး ကင်းစင်သွားပြီး ရောဂါဘယ ကင်းဝေးကြမည် ဖြစ်ပါသည်။


Written by 
credit to ;နှင်းဆီဖူးလေးများ-Love BUDS
                                                        Myawady News မှကူးယူဖေါ်ပြသည်....

No comments:

Post a Comment