*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Saturday 1 February 2014

တစ်လ ကျပ် တစ်သိန်းနှစ်သောင်း အထက် ဝင်ငွေ ရှိ ဝန်ထမ်း များကို ဝင်ငွေခွန် ကောက်မည်


 

တစ်လလျှင် ကျပ် ၁၂၀၀၀၀ နှင့် အထက် ရရှိသော အစိုးရနှင့် ပုဂ္ဂလိက ဝန်ထမ်း များ အားလုံး ၁၉၇၄ ခုနှစ် ဝင်ငွေခွန် ဥပဒေ အရ ဝင်ငွေခွန် ပေးဆောင် ရမည် ဖြစ်ပြီး ပြန်လည်၍ အခွန်ကြပ်မတ် ကောက်ခံတော့ မည် ဖြစ်ကြောင်း ပြည်တွင်း အခွန်များ ဦးစီးဌာန ထံမှ စုံစမ်း သိရှိရသည်။

အိမ်ထောင်သည် များက တစ်လလျှင် ကျပ် ၁၈၀၀ ခန့် ပေးဆောင် ရမည် ဖြစ်ပြီး အိမ်ထောင် မရှိသူ (လူလွတ်) များမှာ ကျပ် ၂၀၀၀ ကျော် ပေးဆောင် ရမည် ဖြစ်ကြောင်း ဘဏ္ဍာရေး ဝန်ကြီးဌာန၏ အခွန်နှုန်း ထား သတ်မှတ်ချက်များအရ သိရသည်။
 

“ဒီ သတ်မှတ်ချက် မှာ က အိမ်ထောင်သည် က အခြေခံ သက်သာ ခွင့် ၂၀ ရာခိုင်နှုန်း အပြင် သားသမီး နဲ့ ဇနီး အတွက် သက်သာခွင့် ထပ်ပေးထား ပါတယ်။



လူလွတ်တွေကတော့ ၂၀ ရာခိုင်နှုန်း ပဲ သက်သာခွင့် ရှိတာပေါ့” ဟု ပြည်တွင်း အခွန်များ ဦးစီးဌာနမှ အကြီးတန်း အရာရှိတစ်ဦးက The Voice သို့ ပြောကြားသည်။

၁၉၇၄ ခုနှစ် ဝင်ငွေခွန် ဥပဒေအရ တစ်နှစ်လျှင် ကျပ် ၁၅ သိန်းနီးပါး ရရှိသူ မည်သူမဆို အခွန်ပေးဆောင်ရမည် ဖြစ်ပြီး လအလိုက် ပြန်လည် တွက်ချက်မည် ဆိုပါက တစ်လကျပ် ၁၂၀၀၀၀ ရရှိသူများ အားလုံး အခွန်ပေးဆောင်ရ မည် ဖြစ်သည်။

 

“လူတိုင်း အကုန်ပေးဆောင်ရမှာပါ။ နှုန်းနည်းတာနဲ့ များတာပဲ ကွာမှာပါ။ မဆောင်သေးတဲ့ လူတွေ လည်း ပေးဆောင် ရမှာပါ။ အဲလို ပေးဆောင်ဖို့အတွက် အရင်က ကြပ်ကြပ် မတ်မတ် မလုပ်ဆောင်နိုင်ပေ မယ့် အခုတော့ အခွန်စိစစ် ကြပ်မတ်ရေး ဘုတ်အဖွဲ့နဲ့ ပေါင်းပြီး လုပ်ဆောင်နေပါတယ်” ဟု ယင်းဌာန အကြီးတန်း အရာရှိက ပြောဆိုသည်။

အဆိုပါ ဥပဒေကို တပ်မတော်အစိုးရ လက်ထက်အတွင်းက အမိန့်ကြေညာစာတစ်ရပ် ထုတ်ပြန်၍ ရုပ်သိမ်း ထား ခဲ့ခြင်း ဖြစ်ကြောင်း ပြည်တွင်းအခွန်များ ဦးစီးဌာနထံမှ သိရသည်။

 

 ရန်ကုန်၊ ဇန်နဝါရီ ၃၁
The Voice Weekly

No comments:

Post a Comment