*** ၇င်ခွင်လမ်း သို့ လာေ၇ာက်လည်ပတ် လေ့လာကြသူ မိတ်ဆွေအားလုံး စိတ်၏ ချမ်းသာခြင်း ကိုယ်၏ ကျမ်းမာခြင်းတို့နှင့် အေးချမ်း ပြည့်စုံနိုင်ကြပါစေ ***

Sunday, 27 July 2014

Server အကြောင်း ပြောရအောင်

 
 
ဆာဗာ၊ ဆာဗာ နဲ့ ပြောနေ လိုက်ကြတာ တော်တော် များများ စိတ်ဝင်စား ကြမှာ အမှန် ပါပဲ။ ဥပမာ ဝဘ်ဆိုဒ် တစ်ခု ဝင်လို့ မရတဲ့ အခါ လူ တစ်ယောက် သွားမေးတော့ “အဲဒါ ဆာဗာဒေါင်းနေတယ် ကွာ” လို့ဖြေ တယ်လေ။ နား မလည်တဲ့ အချိန် တုန်းက ဆာဗာ ဒေါင်းတယ် ဆိုတာ နား ထဲကို ကန့်လန့် လိုက် ဝင်ပါတယ်။ 

ကဲ တည့်ကြရအောင်။ အင်တာနက် အသုံးပြု တဲ့ လူတိုင်း နားလည်အောင် အလွယ်ကူ ဆုံး နည်းနဲ့ ရှင်းပြ ပါမယ်။  အဲဒီ ဆိုဒ် တစ်ခု ဖွင့် မရ ဆာဗာ ဒေါင်းတယ် ဆိုတာ Web Server ကိုပြောတာပါ။ Server မှာတောင် အမျိုးမျိုး ကွဲသေး တယ်လေ။ ကဲ စကြရအောင်။

"Server အဓိပ္ပါယ်"
ကွန်ပြူတာ ကွန်ရက်များ အား ချိတ်ဆက် ၍ သတင်း အချက်အလက် ပေး ပို့ပေးခြင်း၊ သိမ်းဆည်း ထားပေးခြင်း တို့ ပြုလုပ်ပေးသူ ကို Server လို့ ခေါ်ပါတယ်။ အလွယ်ကူ ဆုံး ပြောပြပါမယ်။ ခုနေ ရုံး အကြီး စား တစ်ခုကို သွားရင် သူ့မှာ စာရွက် စာတန်းတွေ ထိမ်းထား တဲ့ နေရာ တစ်ခုတော့ ရှိမှာပဲလေ။ ဂိုထောင် တစ်ခုနဲ့ ကို သီးသန့်တောင် ထားကြပါတယ်။



 
 ဆေးရုံတွေမှာ ဆို ပို အရေးကြီးပါတယ်။ အခန်းကြီး တစ်ခု ထဲမှာ။ ဘယ်နေ့က ဘယ်လူနာ၊ ဘယ်နေ့က ဘယ်ဆေးတိုက်၊ ဘယ်သူဆင်း၊ ဘယ်သူသေ၊ ဘယ်သူတက်၊ ဆေးရုံ အသုံး စရိတ် ဘယ်လောက်၊ ဝန်ထမ်း အင်အား ဘယ်လောက် အစရှိ သဖြင့် အချက် အလက် အားလုံးကို ဂိုဒေါင် တစ်ခု ထဲမှာ သိမ်းထား ပါမယ်။ လိုအပ်တဲ့ အခါကျ ဂိုထောင် ထဲမှာ ဖိုင်စာရင်း အတိအကျ ကို ထုတ်ယူ လို့ရအောင် စနစ် တကျ သေသေ သပ်သပ် ထည့်ထား ပါတယ်။

ဟုတ်ကဲ့။ အဲဒီ အချက်အလက်တွေ အားလုံး ကို ကွန်ပြူတာ တစ်ခုထဲ မှာပဲ ထည့်ပြီး ယင်းကွန်ပြူ တာ ကနေ လို သလို ထုတ်သုံးမယ်။ နောက်ထပ် ကွန်ပြူ တာ တစ်ခုစီ ရောက်အောင် လည်း ရုံးတွင် network နဲ့ ပို့ပေးနိုင်မယ် ဆိုရင် ယင်း ကွန်ပြူ  တာက Server အနေ နဲ့ အလုပ်လုပ်နေ ပါပြီ။ ဒီတော့ သူ့ကို Database Server လို့ အကြမ်းဖျင်း မှတ်ယူနိုင်ပါတယ်။

"Server မှာ OS လိုအပ်ခြင်း"
သာမန် ဂိုဒေါင် တစ်လုံးမှာတောင် Store keeper ဆိုပြီး သီးသန့် ခန့်ရ တယ်လေ။ ဒီတော့ Server တန်း ဝင် ဖို့ အတွက် Server လုပ်မယ့် ကွန်ပြူ တာ မှာ Server Operating System ကို ထည့်ထား ရပါတယ်။ အချို့ ကျတော့ ဂိုထောင် ဝန်ထမ်း မထားချင်ဘူး။ အချက် အလက် ကလည်း နည်းတော့ အဆင်ပြေ သလို ထားတယ်။ ဟုတ်ကဲ့။ ကွန်ပြူ  တာ မှာလည်း ကိုယ် ထောက်ပံ့၊ မျှဝေ၊ သိမ်းဆည်းပေး ရမယ့် အချက် အလက် က သိပ်မများဘူး ဆိုပြီး အချို့ များ ကလည်း Server Operating System မသုံးပါဘူး။

သုံးတယ် ဆိုရင် ရွေးစရာ က အများကြီးပဲ။ Linux Server OS သုံးမလား၊ Windows လား၊ Mac လား အစ ရှိ သဖြင့် ပေါ့။ Server OS ဆိုလို့ ဘာများလည်း လို့ အတွေးနက် မသွားပါနဲ့။ သူက ဂိုထောင် တစ်ခုလို တာဝန် ထမ်းပေးမယ့် ကွန်ပြူ  တာ ကို အကောင်းဆုံး ဝန်ဆောင်မှု ပေးမယ့် OS ပါ။ တော်ရုံ OS က မလုပ်နိုင် တာတွေ လုပ်ပေးမှာလေ။

"Server အမျိုး အစားများ"

Web Server ဝဘ်ဆိုဒ်၊ ဒေတာ အချက် အလက် များ အား သိမ်းဆည်းပေး၊ စေခိုင်းမှု (command လက် ခံပေး) ပြန်လည် အကြောင်းကြားပေး ဖို့ အလုပ်လုပ် ပါတယ်။ ဥပမာ ... ကျနော်က ဝဘ်ဆိုဒ် တစ်ခု ထောင် လိုက်မယ်။ ထောင်တယ် ဆိုလို့ နို့ဆီဗူးထောင် သလို ထောင်လိုက် တာ မဟုတ်ဘူးနော်။ 


ဆိုဒ်တစ်ခု ပရိုဂရမ် နဲ့ ဆွဲပြီး အင်တာနက်ပေါ် လွင့် ပါမယ်။ ဒီလို လွင့်ဖို့ အတွက် ယင်း အချက်အလက်တွေ ကို ဘယ်မှာ သိမ်း မလဲ က ရှိလာမယ်။ ဥပမာ... ခုနေ စာဖတ် သူတို့ Facebook ပေါ်မှာ ပုံတွေ တင်ကြ တယ်။ အဲ့ပုံတွေ ဘယ်ရောက် သွားလဲ။ Facebook က အကိုတွေ၊ အမတွေ ကပဲ အလှဆုံး ပုံတွေရွေးလို့ ဝိုင်း ကြည့်နေကြမယ် လို့ ထင်လို့လား။

အမှန်တော့ ယင်းပို့သမျှ ပုံတွေကို Server (ဂိုဒေါင်) ထဲ ထည့်ပါတယ်။ အချက် အလက် သိမ်းဆည်းပြီး Hard Disk အကြီးစား လိုပါပဲ။ Google ဆိုရင် ကမ္ဘာ့ အကြီးဆုံး Data Center တောင် ပိုင် ပါတယ်။ Web Server အနေ နဲ့ Website ရဲ့  အချက် အလက် များကို သိမ်းဆည်းပေး၊ Command လက်ခံပေး၊ ပြန်လည် အကြောင်းကြားပေး အစရှိ သဖြင့် အလုပ်လုပ် ပါတယ်။ Web Server အကြောင်းနောက် မှ သက်သက် ရှင်းပါမယ်။

Application Server – Software app များ အား အလုပ်လုပ် ရန် ဝန်ဆောင်မှုပေးသော Server ။

Catalog Server – network ပေါင်းများစွာ မှာ အချက်အလက် များကို အလွယ် တကူ စီးကူးစေရန် central search point အဖြစ် ဝန်ဆောင်မှုပေးသော Server ။

Communication Server - တယ်လီဖုန်း တို့ ကဲ့သို့ ဆက်သွယ်ရေး အတွက် အသုံးပြုသော Server ။

Database server - ကွန်ပြူတာ ပရိုဂရမ်နှင့် ကွန်ပြူတာများအား သတင်းအချက်အလက်များအား သိမ်းဆည်းပေးသည့် Server ။

Fax server – Fax ဝန်ဆောင်မှု ပေးသော Server ။

File server - ဖိုင် များအား အပေး အယူ၊ အကူး အပြောင်း ပြုလုပ်ပေးသော Server ။
                                                                                                                                  
Game server - ဗီဒိယို ဂိမ်း ပရိုဂရမ်နှင့် User များ အား ထောက်ပံ့ပေးသည့် Server ။
                                                                                                                             
Home Server - အိမ်များ အတွက် Server ။

Name Server
- ဝဘ်ဆိုဒ် လိပ်စာ DNS များအား သိမ်းဆည်းဝန်ဆောင် မှုပေးသည့် Server

Print Server
(Printer ဝန်ဆောင်မှု အတွက် ဆာဗာ)၊ 


Proxy Server (မတူညီသော server များ ချိတ်ဆက်နိုင် ရန် ကြားခံ ဆက်သွယ်ပေးသော Server, 

Sound server  ။ (ရေဒီယို တို့ကဲ့သို့)


 
August Myanmar Development Centre
 
 

No comments:

Post a Comment