ရန်ကုန်၊ မဇ္ဈိမ။ ။ မွေးကင်းစ ကလေးငယ် တစ်ဦး တိုက်နောက်ဖေး လမ်းကြား အတွင်း စွန့်ပစ် ခံထားရသည် ကို ကြောင်တစ်ကောင် က ဆွဲလာသည့် အခါမှ ရပ်ကွက်နေပြည်သူများ သိရှိခဲ့ ရသည့် ဖြစ် စဉ်တစ်ခု စက်တင်ဘာ ၁၈ ရက်၊ မွန်းလွဲ တစ်နာရီဝန်းကျင်က တာမွေမြို့နယ် အတွင်း ဖြစ်ပွားခဲ့သည်။
“ကလေးက မွေးကင်းစ ပဲရှိသေးတာ။ ညကတောင် မဟုတ်ဘူး။ အခု မနက်မှ ပစ်ချ ထားတဲ့ပုံစံ။ ကလေး ကတော့ သေနေပြီ။ ဒါပေမယ့် ကလေးက အလတ်ကြီး ရှိသေးတယ်။ မပုပ်သေးဘူး” ဟု မေတ္တာညွှန့် ရပ်ကွက်၊ ကမ္မဋ္ဌာန်းလမ်း အတွင်း ထမင်းဆိုင် ဖွင့်ထားသည့် မျက်မြင် တွေ့ရှိသူ ဒေါ်ဥမ္မာကပြောသည်။
အဆိုပါ ကလေးငယ်ကို တာမွေမြို့နယ်၊ မေတ္တာညွှန့် ရပ်ကွက်ရှိ ကမ္မဋ္ဌာန်း လမ်းနှင့် မာလာနွယ် လမ်းကြား ရှိ တိုက်နောက်ဖေး လမ်းကြား ဘက်မှ ကြောင် တစ်ကောင်က ဆွဲလာခြင်းဖြစ်ပြီး ကလေးငယ် မှာ မွေး ရာပါ ခြေထောက် တစ်ဖက်တိုနေသည် ဟု အဆိုပါ ရပ်ကွက်အတွင်း မှ မျက်မြင်တွေ့ရှိသူ မနှင်းနှင်းမော် က ပြောသည်။
“ကျွန်မက မသိဘူး ပထမ ကြောင် က ငါးဥ တွဲကြီး ဆွဲလာတယ် ထင် နေတာ။ ကြောင်က မနိုင်မနင်း နဲ့ဆွဲပြီး ပထမထပ် ကိုတက်တာ။ နောက်ဆုံး မနိုင်တော့ ကလေးရော ကြောင်ရောပြုတ်ကျ လာတာ။ အဲ့ဒီတော့ မှ ကလေးမှန်း သိတာ”ဟုဒေါ်ဥမ္မာ က ဆိုသည်။
စွန့်ပစ် ထားသည့် ကလေးငယ် ၏ အလောင်း ကို ရန်ကုန်ဆေးရုံကြီးသို့ ရဲဆေးစာဖြင့်ပို့ထားပြီး အမှုဖွင့် အရေးယူရန် ဆောင်ရွက်နေဆဲသာဖြစ်သည် ဟု တာမွေမြို့မ ရဲစခန်းက တာဝန်ကျ ရဲဝန်ထမ်း တစ်ဦး က ပြောသည်။
Mizzima
From...Myanmar Latest News
No comments:
Post a Comment