ကျွန်တော် အဟေတုက ၀ါဒသမား - ဖုိုးထက်

“Misfortune never comes alone” ဆိုတဲ့ အင်္ဂလိပ်စကားပုံကို စပြီးသိရစဉ်က ကျွန်တော့် စိတ်ထဲမှာ အမျိုး မျိုး ဘာသာပြန်ကြည့်မိတယ်။ ကံဆိုးခြင်းများသည် အဖော်အပေါင်းနှင့်လာသည်။ 

ကံမကောင်းခြင်း သည် တစ်ယောက် ထဲ မည်သည့် အခါမှ မလာ။ အခု အသက်လေး နည်းနည်း ရလာ မှ မြန်မာစကားပုံ တစ်ခုကို ကွက်ခနဲ သွား သတိရတယ်။ “ကံဆိုးမသွားရာ မိုးလိုက်လို့ရွာ” လို့ ဘာသာပြန် လိုက်ရင် ပိုကောင်းမလား လို့လေ။

ရင်းနှီးတဲ့ မိတ်ဆွေ အပေါင်းအသင်းတွေကိုလဲ မေးစမ်းကြည့်ဘူးပါရဲ့။ အားလုံးက တစ်ညီတစ်ညွှတ် ထဲ ပြောကြ တယ်။ ကံဆိုးပြီဆိုရင် ဘယ်တော့မှ တစ်ခါထဲနဲ့ မပြီးဘူးလို့ အများစုကပြောကြတယ်။ ကျွန်တော့်ဘ၀ကိုယ် ကျွန်တော်လဲ ပြန်ငဲ့ကြည့်ပါရဲ့။ 

မှန်သင့် သလောက် မှန်တယ်လို့ ပြောရမှာဘဲပေါ့။ ကိုယ်ရေး ကိုယ်တာ အဆင်မပြေဖြစ်ပြီဆိုရင်၊ အလုပ်တွေ က ယားရင်တောင် ထုံးတို့ မှတ်ထား ရလောက်အောင် အလွန်များတယ်။ စိတ်ကြည်ကြည် လင်လင် ဖြစ် မနေဘူး၊ ကိုယ်လက် မကျန်းမာဘူးဆိုရင် အပေါင်းအသင်း၊ ရောင်းရင်း၊ ချစ်ရ ခင်ရ၊ မြတ်နိုး ရသော သူများက အမျိုးမျိုး စိတ်အနှောင့် အယှက်ဖြစ်အောင် လုပ်နိုင်ရက်အားကြတယ်။

ကံဆိုး ကံကောင်းနဲ့ ပါတ်သက်ပြီး ဆရာငွေကြည်ရဲ့ ကာတွန်း တစ်ကွက်ကို သွားသတိရတယ်။ ကံကောင်း လို့ လေယာဉ်ပျံစီးရ၊ ကံဆိုးချင်တော့ လေယာဉ်ပျံ ပျက်ကျ။ ကံကောင်းချင်တော့ လေထီးပါလာ။ ကံဆိုး ချင်တော့ လေထီး က မပွင့်။ ကံကောင်းချင်တော့ အောက်က ကောက်ရိုးပုံကိုတွေ့။ ကံဆိုးချင်တော့ ကောက်ရိုး ပုံနဲ့ လွဲ သေရော…လို့ ဆရာ့ကာတွန်းတစ်ကွက်ကို ဖတ်ဘူးတယ်။

လူဆိုတာ မွေးကတည်းက သေသည်အထိ ကံဆိုး၊ ကံကောင်းဆိုတာ ဆရာ့ကာတွန်းလိုဘဲနေမှာ ပါ။ ရွှေလင် ပန်း နဲ့ အချင်းဆေး မင်း မွေးတဲ့ သူတွေတောင် ကံဆိုးတယ်ဆိုတာ ရှိတာပါဘဲ။ ဗုဒ္ဓဘာသာဆိုတာ ကံ၊ ကံ၏ အကျိုးကို ယုံကြည်ခြင်းလို့ ကျွန်တော် မှတ်ထားတယ်။ 

ဒါပေမယ့် ကံကိုယုံပြီး ဆူးပုံ မနင်းရာလို့ ဆိုတယ်မို့လား။ ကောင်းတာ လုပ်ရင် ကောင်းတာဖြစ်မယ်၊ မကောင်းတာ လုပ်ရင် မကောင်းတာ ဖြစ်မယ်ဆိုတဲ့ ဗုဒ္ဓဘာသာတိုင်း ပြောနေကြ စကားက သေချာတွေး ကြည့်ရင် အထွန့်တက် စရာကြီးပါဘဲ။ မကောင်းတာတွေဘဲ လုပ်ပြီး မကောင်းတာ တစ်ခုမှ မဖြစ် ဘဲ ပေ ကတ်ကတ်ကြီး စာထိုင်ဖတ်နေတဲ့ သူတွေကို လက်ညှိုးထိုးပြီး စောဒက တက်မယ်ဆို တက်စရာပေါ့လေ။

ကိုယ်က သူ့အသက်ကို သတ်လို့ ကိုယ့်ကို သူများက တစ်ချိန်ချိန်မှာ သတ်လိမ့်မယ်လို့ တွေးခေါ်ခြင်းဟာ သိပ်တော့ မနိပ်လှဘူးပေါ့။ ဘယ်သူမှ မသတ်ဘဲ ကိုယ့်စိတ်ထဲမှာ အလိုလို သေနေရတဲ့ ကိစ္စတွေ သူသူ ကိုယ်ကိုယ် ရှိနေကြတာဘဲ မို့လား။ လူမသေဘူး။ စိတ်သေတယ်။ ရုပ်မသေဘူး။ ၀ိဥာဉ်သေတယ်။ ဒါကြောင့် ကံ ဆိုတဲ့ ကိစ္စကြီးကိုတွက်ရင် တစ်နဲ့ တစ်ပေါင်းရင် နှစ်ဖြစ်ရမယ်လို့ ပုံသေကားချ တွေးသလို တွေးလို့ မရဘူး ထင်ပါရဲ့။

နာဂစ်မှာ လူတွေသေရတာ၊ ဆူနာမီတွေမှာ လူတွေ သေရတာ၊ ငလျင်တွေမှာ လူတွေသေရတာ စတဲ့ သဘာဝဘေးတွေမှာ လူတွေ သေရတာတောင်မှ ကံကို လူက ပြုပြင်ပြောင်းလဲလို့ ရတယ်။ ကိုယ်တွေရဲ့ နာဂစ်ထက် ကြီးတဲ့ မုန်တိုင်းကြီး တိုက်တာတောင်မှ သေတဲ့ လူက သောင်းဂဏန်းတောင် ပြည့်ရဲလားမသိ။ ကြိုတင်ပြီး (နည်းနည်းဘဲဖြစ်ဖြစ်)ကာကွယ်နိုင်တယ်။ 

ချက်ချင်း လက်ငင်း အကူအညီရောက် တယ်။ သြော် …သေတာတောင် ဒီကောင့်နှယ် ကိန်း အနည်း၊ အများ ယှဉ်နေသေးတယ်လို့ မတွေးပါနဲ့ဗျာ။ ကျွန်တော် ပြော ချင်တာက အဲဒီလို သဘာဝတရားကိစ္စကြီးကိုတောင်မှ လူက ကံကောင်းအောင် ပြုပြင်လို့ရတယ်လို့ ဆိုလို ချင်တာပါ။

စစ်ပွဲတွေကနေ လူတွေ သေရတာကြတော့ တစ်ချိန်လုံး ဘာသာတရားအမြင်ကြီးက ကြည့်နေလို့လဲ အဆင် မပြေဘူး ထင်တာဘဲ။ အရင်ဘ၀က သူများ အသက်ကို သတ်လို့ အခုဘ၀မှာ စစ်ထဲမှာ သေရတယ်လို့ ငြင်းချင် ငြင်းပေါ့။ ဒီကောင် ဘာသာမဲ့ကြီး။ ဓမ္မ န္တရာယ် အကောင်လို့ ထင်ချင်ထင်ပေါ့။ 

တစ်ယောက်နဲ့ တစ်ယောက် အသေအကြေသတ်ချင်ကြ၊ ဖြတ်ချင်ကြ၊ မာန်မာန ထားချင်ကြတဲ့ စိတ်ထားတွေ နဲ့ အတိတ် ကံဆိုတာကြီးနဲ့ ဘယ်ဒင်းကို အပြစ်ပြောဖို့ သင့်သလဲ ဆိုတာဘဲ ကျွန်တော်က ပြောချင်တာပါ။

နောက်ပြီး ကံကောင်းစေဖို့ ဟိုဟာဆောင်ပါ၊ ဒီဟာဆောင်ပါ၊ သက်စေ့ ဟိုအရွက် ဒီအရွက် တွေ အိပ်ယာအောင် ထားအိပ်ပါ ဆိုတဲ့ ဗေဒင် ကိန်းခန်း တွေကို ကျွန်တော် သိပ် သဘောမတွေ့လှဘူး။ ငှက်လွှတ်ပါ၊ ငါး သက်စေ့လွှတ်ပါ၊ သက်ကြီး ဘိုးဘွားလှူပါ စတဲ့ လှူခြင်းနဲ့ ပါတ်သက်တဲ့ ယတြာတွေ ကိုတော့ ကောင်းတဲ့ ကိစ္စတွေမို့လို့ အထူး ငြင်းစရာ မရှိပါဘူး။ သို့သော် ဒီလိုလုပ်လိုက်လို့ ကံတက်လာတယ်၊ ကံမြင့်လာတယ်လို့ လာပြောရင် ကျွန်တော်က ပြုံးစေ့စေ့ဘဲ နေဖြစ်တယ်။

အို..ကိုယ်လို ကောင် ဘာဟုတ်သေးလဲဗျာ။ ပြည်သူလူထုကို ဦးဆောင် ပညာပေးရမယ့်၊ ခေါင်းဆောင်နေပြရ မယ့် လူတွေတောင် အမျိုးမျိုး ယတြယာတွေနဲ့ လုံးချာရိုက်နေတာ မြန်မာလူမျိုးတိုင်း သိကြပါတယ်။ ကြက်ဆူစိုက်တယ်၊ ပြောင်းဖူးကြီးကိုင်ပြီး လူကြားထဲ လျှောက်သွားတယ်။ သိပ်ရှုပ်တာဘဲ လို့ ကျွန်တော် က မြင်ပြီး စိတ်ထဲ ခပ်ချဉ်ချဉ်ပေါ့။

အဲဒီ ကံကောင်းစေဖို့ လုပ်တဲ့ အဆောင်၊ ယတြယာ ကိစ္စတွေကို ကျွန်တော် အရမ်းကြီး ဖိငေါက်ပြောလို့ မရ တဲ့ ကိစ္စရှိတယ်ဆိုတာ ၀န်ခံစမ်းပါရစေ။ ကျွန်တော့် အမေ မွေးသမိခင် မာတာပိတောပေါ့။ သူ့ဘုရားစင်က ယပ်တောင် တစ်ချောင်းကိုတွေ့လို့ ဆွဲယူလိုက်တော့ ယပ်တောင် ပေါ်မှာ ကျွန်တော့်နာမည်ကြီးကို ပီပီ သသကြီး ရေးထားတာ တွေ့ရတယ်။ “အမေ…ဒါဘာလဲဗျ” လို့ ကျွန်တော်မေးတော့ “ငါ့သားလေး နိုင်ငံခြား မှာ လေလို အေးမြပါစေဆိုတဲ့ ရည်ရွယ်ချက်ပေါ့ဟဲ့…ကိုင်း ပြန်ထားစမ်းပါ..မင်း အပူမဟုတ်ပါဘူး” လို့ ပြောရှာတယ်။ 

ဒီလို ကံကောင်းစေဖို့ အဆောင်ယတြယာမျိုးကျတော့ ဟုတ်တာ ၊ မဟုတ်တာ အသာထားလို့ ကျွန်တော့်မှာ ကြည်နူးချမ်းမြေ့ရတယ်။ စိတ်ထဲမှာတော့ “သြော် …အမေရယ် လေဆိုတာ အမြဲအေးနေတာမှ မဟုတ်တာ။ ကျွန်တော့်ကို ပူလောင်စပ်ခါးနေအောင် တိုက်ချသွားတဲ့ လေပူတွေ ရှိတယ်ဗျ” လို့ ကျွန်တော် အထွန့် တက် မနေခဲ့ဘူးလေ။ 

အမေ စိတ်ချမ်းသာနေတဲ့ ကိစ္စကြီးဘဲ။ ကောင်းတဲ့ ကိစ္စဘဲ။ ကျွန်တော့်နာမည် ပါတဲ့ ယပ်တောင် ဘုရား စဉ်ပေါ် ရှိတာနဲ့ ဒီအကောင် ကျန်းမာ ချမ်းသာနေမှာဘဲ လို့ အမေအတွေးတွေ ပွားနေရင် ကိုဘဲ ကျွန်တော် ပျော် ရမှာဘဲလေ။

သူများ လူမျိုးတွေ ကံမကောင်းဘူး၊ ကံကောင်းတယ်ဆိုတာနဲ့ ပါတ်သက်ပြီး ကျွန်တော်တို့လောက် တော့ အလုပ် မရှုပ်ဘူးထင်တယ်။ သူတို့ အလွန်ဆုံးရှောင်တာက ဆယ့်သုံးဂဏန်းဘဲ။ ဂျီးဆပ်သခင် နောက်ဆုံး ညစာစားတော့ အားလုံး ၁၃ ယောက်။ ၁၃ ယောက်မြောက် ဂျူးဒပ်စ် ဆိုတဲ့ လူက သစ္စာဖောက်သမား။ ဒီတော့ ၁၃ ဆိုရင် အနောက်နိုင်ငံက လူတွေ တွန့်ကြတယ်လို့ ကျွန်တော် ဖတ်ဘူးတယ်။

ကျွန်တော်တို့မှာတော့ ရက်ရာဇာ၊ ပြဿဒါး။ နဂါးခေါင်း အလှည့်။ ကုန်ကုန်ပြောရရင် “မွေးနေ့သောကြာ တနင်္လာ ကေသာဆံညှပ် မပြုအပ်” ဆိုတဲ့ စာချိုးနဲ့တောင် ကိုယ့်အမွှေးအမှင် ကိုယ် ရိတ်ချင်တဲ့ အချိန် မရိတ်ရအောင် လုပ်တာတော့ တဆိတ်လွန်တယ် ထင်တာဘဲ။

တွေးလို့ရသလောက် ကျွန်တော် ဆက်တွေးကြည့်မိတယ်။ ဒီမိုကရေစီအရေး ခေါင်းမဖော်နိုင်အောင် ကျွန်တော်တို့ ပြည်သူလူထု စစ်ဖိနပ်ကြီးနဲ့ နင်းချေ ခံခဲ့ရချိန်က (အခုတော့ ကတ္တီပါ ဖိနပ်လေး ပြောင်းစီး ထားတယ်) “သြော်…ကံပေါ့..သူတို့က ဘုန်းကံကြီးတာကိုး” ဆိုတဲ့ မှတ်ချက်တွေ ကြုံတွေ့ဘူးတယ်။ စိတ်အပျက်ကြီး ပျက်ရတယ်ဆိုတာထက်ကို ပိုတယ်ဗျာ။ 

 “သြော်…သူတို့ ခိုးဝှက်နေတာ ကံကောင်းလို့ ခိုးရတာပေါ့နော်..ဘုရား” လို့ ဆရာတော်တစ်ပါး ကို ပြန် ခံ လျှောက်ဘူးလို့ ဘာစကားမှ မမိန့်တော့ဘဲ နေတာ ခံရဘူးတယ်။ “ကံဆိုတာ အလုပ်လို့ ယုံကြည်တဲ့ အဘွားကြီးနဲ့ သူလို လူတွေ ရှိခဲ့လို့ အခု ဖိနပ်လေး ပြောင်း စီးပြီး ခပ်ဆဆ နင်းတာ ခံကြရတာဘုရား” လို့ အခု ပြန်သွားလျှောက်ရင် ကျောင်းပေါ်က ကန်ချမယ် ထင် ပါရဲ့။

  ပြီးတော့…ကျွန်တော် ဖတ်ဘူးတဲ့ ဦးရွှေအောင်ရဲ့ ဗုဒ္ဓ (သို့) အနှိုင်းမဲ့ ဆိုတဲ့ စာအုပ်ထဲက ၀ါဒ သုံးမျိုးကို သတိရလာတယ်။ နတ္ထိက၀ါဒ၊ အကြိယာဝါဒ၊ အဟေတုက ၀ါဒ၊ တဲ့။

နတ္ထိက၀ါဒက အကျိုးကိုပါယ်တာ။ အကြောင်းကို လက်ခံပေမယ့် အကျိုးကို လက်မခံတာ။ အမြီးကျက် အမြီးစား၊ ခေါင်းကျက် ခေါင်းစား၊ နက်ဖြန်ခါမရှိ ဆိုတဲ့ အယူဝါဒ။ အလုပ်တစ်ခု လုပ်လိုက်လို့ နောက် ဆက်တွဲ ဖြစ်လာမယ့် အကျိူးတရားကို စဉ်းစားစရာ မလိုဘူးတဲ့။ 

ဆရာကြီး ဥပမာပြုတာက လမ်းစဉ်နှင့် ပန်းတိုင်မှာ လမ်းစဉ်သာ ပမာန ဆိုတဲ့ သဘောတဲ့။ ငါတို့ ရေးထားတဲ့ စာအုပ်ကြီးက အမှန်၊ ငါတို့ လုပ်ပေး ခဲ့တာတွေက အမှန်ပေါ့လို့ ငတ်ပြတ်နေတဲ့ လူတွေကို လှည့်မကြည့် ဘဲ ငြင်းနေတဲ့ လူတွေ ကို ပြောထင်ပါရဲ့။

အကြိယာဝါဒကြတော့ အကြောင်းကိုပါယ်တာ။ အကျိုးတရားသာ အဓိက။ ကိုယ်လိုချင်တာရဖို့ ဘယ်သူ့ သတ်ရ၊ သတ်ရ။ ဘယ်သူသေသေ ငတေမာပြီးရောဆိုတဲ့ သဘောတဲ့။ ကိုယ့်နိုင်ငံ ချမ်းသာဖို့ သူများနိုင်ငံ ဘာဖြစ်ဖြစ်ဆိုတဲ့ လူတွေ ထားတဲ့ စိတ်ထားမျိုးနေမှာပေါ့။ ဆရာကြီးက လမ်းစဉ်နဲ့ ပန်းတိုင်မှာ ပန်းတိုင် အဓိက ဆိုတဲ့ ၀ါဒပေါ့လို့ ညွှန်းသွားတယ်။ ရေဗူးပေါက်တာ မလိုချင်ဘူး ရေပါတာဘဲ လိုချင်တယ်ဆိုတဲ့ ၀ါဒထင်ပါရဲ့။

အဟေတုက ၀ါဒကြတော့ အကြောင်းကော အကျိုးကော နှစ်ခုလုံး ပါယ်တာတဲ့။ လောကကြီးက သူဖြစ်ချင် သလို ဖြစ်နေတာ။ ကောင်းတာလုပ်ပေမယ့် ကောင်းတာ ဖြစ်ချင်မှ ဖြစ်တာ။ မကောင်းတာ လုပ်ပေ မယ့် ကောင်းတာ ဖြစ်ချင်ဖြစ်တတ်တာ။ လမ်းစဉ်လဲ အဓိက မဟုတ်ဘူး။ ပန်းတိုင်လဲ အရေးမကြီးဘူး ။ ကောင်းတယ် ထင်ရင် ချသာ ချ ဆိုတဲ့ ၀ါဒတဲ့။ သိပ်တွေးမနေနဲ့၊ နောက်ဆံ တင်းမနေနဲ့ လုပ်သာလုပ် ဆိုတဲ့ ၀ါဒတဲ့။

ကိုယ့်ဘာသာကိုယ် ဘယ်ဝါဒနဲ့များ သွားငြိနေသလဲလို့ တွေးမိတယ်။ တစ်ခုမှ မလွတ်ပါလား။ နည်းနည်း နည်းနည်းစီ တော့ ဖြတ်သန်းခဲ့တဲ့ ဘ၀မှာ သွားငြိနေတာပါလား။ အငြိအတွယ်ဆုံး၊ မလွတ်မလပ် အဖြစ်ဆုံး ၀ါဒကတော့ အဟေတုက ၀ါဒ ပါဘဲ။ Good တယ် ထင်ရင် Do သာ Do လို့ ပြောပြောနေတတ်တာ အခုမှ ဘုရားမကြိုက်တဲ့ အဟေတုက၀ါဒနဲ့ သွားငြိနေတာသွားတွေ့တယ်။ ဘာကြောင့် ဒီလို ဖြစ်ရသလဲ လို့ တွေး မိတော့  မှန်၊ မှား မစဉ်းစားနိုင်လောက်အောင် ဥာဏ်ပညာနည်းလို့ဘဲ နေမှာပေါ့။

ကြားဘူးနားဝ အင်္ဂလိပ်စကားပုံလေးနဲ့ ဖတ်ဘူးတာလေးတွေနဲ့ ကိုယ်ရေး ကိုယ်တာ ကံအကြောင်းမလှ တာတွေကနေ လျှောက်စဉ်းစားရင်း တောရေး ၊ တောင်ရေး လျှောက်ရေးနေတာပါ။ ကိုယ်ရေး ကိုယ်တာ ကံဆိုးခြင်းတွေ ကတော့ အထူးပြောဖို့ မရှိပါဘူး။ လူ့သဘာဝ ကိုယ့်အပူ ကိုယ်ရှာ တယ်လို့ ခပ်ဖွဖွ တွေးပေး လိုက် ပြီးတာပါဘဲ။ ပြီးတော့လဲ ပြီးသွားကြမယ့် ကိစ္စတွေမို့လား။ 

လူဆိုတာ မသေမချင်း ချစ်ခြင်း၊ မုန်းခြင်း၊ မနာလို ၀န်တိုခြင်း တွေနဲ့ နပန်းလုံး သတ်နေရတာပါဘဲ။ ချစ်ခြင်းနဲ မုန်းခြင်းက ဒင်္ဂါးတစ်ခုရဲ့ ခေါင်းနဲ့ ပန်းတဲ့။ နိဗ္ဗာန်ကို မျက်မှောက် မပြုမနိုင်မခြင်းတော့ ဒီလိုဘဲ နှစ်ပါးသွားနေရမှာဆိုတော့ အထူးမပြောလိုပါဘူး။ ဒါပေမယ့် ကျွန်တော်က ရေကို ရေဗူး အပေါက်နဲ မခပ်ဘူးတာတော့ သေချာတယ်။ ငါတွေးတာတွေသာ အမှန်။ ခင်ဗျားတို့ အကုန်အမှားဆိုတဲ့ အတွေးမျိုးလဲ မရှိသလောက် နည်းတာလဲ သေချာတယ်။

ဟုတ်ပါတယ်..သေချာပါတယ်ဗျာ…ကျွန်တော် အဟေတုက ၀ါဒသမားကြီးပါ။

ဖုိုးထက်

နုိုဝင်ဘာ ၁၉၊ ၂၀၁၃

From...Moe Ma Ka