သီတဂူဆရာတော်ကြီး ၏ မိန့်ခွန်း - မြန်မာပြန် (စိန့်ပီတာစဘတ်မြို့ - ရုရှားနိုင်ငံ)

ရုရှား ဖက်ဒရေးရှင်းနိုင်ငံ တွင် ရှားရှားပါးပါး ကျင်းပ ခဲလှစွာသော ပထမ အကြိမ် အာရှ-ဥရောပနိုင်ငံ များ ဆိုင်ရာ အဆင့်မြင့် ဘာသာရေးနှင့် ယဉ်ကျေးမှု အပြန် အလှန်ဆွေးနွေးပွဲ (ASEM High-Level Conference on Intercultural and Inter-Religious Dialogue) ကို သမိုင်းဝင်ရှေးဟောင်းမြို့တော် စိန့်ပီတာစဘတ်မြို့ ၌် ၂၀၁၄ခုနှစ်၊ ဂျူလိုင်လ ၃-၄ ရက်နေ့ များတွင် စည်ကား ခမ်းနားစွာ ကျင်းပ ခဲ့သည် ။

 နိုင်ငံပေါင်း ၃၅ နိုင်ငံမှ ၀န်ကြီးများ ၊ ဘာသာရေးခေါင်းဆောင်ကြီးများ၊ သံအမတ်ကြီး များနှင့် ပညာရှင် များမှ အပြန် အလှန်ဆွေးနွေး မှုများနှင့် ဖတ်ကြား တင်သွင်းမှုပေါင်း ၅၀ ပြုလုပ်ခဲ့ကြပါသည်။

မြန်မာနိုင်ငံ မှ အထူး ဘာသာရေးခေါင်းဆောင် သီတဂူ ကမ္ဘာ့ ဗုဒ္ဓတက္ကသိုလ် များ၏ အဓိပတိ ဆရာတော် ဒေါက်တာ အရှင်ဥာဏိဿရ က “ဘာသာရေး သည်ငြိမ်းချမ်းရေး အတွက်” (Religions for Peace) ခေါင်းစဉ်ဖြင့် သြ၀ါဒပေးမြွက်ကြားတော် မူခဲ့ရာ တက်ရောက် လာသည့် ၀န်ကြီး များနှင့် ပရိတ် သတ် အားလုံး မှ သောင်းသောင်း ဖျဖျ သာဓု အနုမောဒနာ ပြုခဲ့ကြသည်။





 

 ဆွေးနွေးပွဲ ကာလ မတိုင်မီ က ဆရာတော်ကြီး ၏မိန့်ကြားချက် ကို အစီအစဉ် အရ ဒုတိယမြောက်နေ့တွင် ထည့်သွင်း ခဲ့သော်လည်း ဆရာတော်ကြီး ၏ ဘုန်းတန်ခိုး အရှိန် အ၀ါကြောင့် ပထမနေ့ ပထမအပိုင်း တွင် မိန့်ကြား မှုပြုလုပ်ရန် ကျေနပ် စွာ ပြောင်းလဲ စီစဉ်ခဲ့ကြပါသည်။ 

ဆရာတော်ကြီး ၏ ဘုန်းရှိန်၊ ကံရှိန်၊ ပညာ အရှိန်တို့ကြောင့် ဆွေးနွေးပွဲ အတွင်းရှိ ဘာသာရေးခေါင်းဆောင် အားလုံးက အားလပ်ချိန် မနား လာရောက် ဂါရ၀ပြု လာကြပါသည်။


 

ဆွေးနွေးပွဲ အပြီး ရုရှားဖက်ဒရေး၇ှင်း နိုင်ငံ ယဉ်ကျေးမှု ဒုတိယ ၀န်ကြီးမှ လာရောက် ဂါရ၀ပြုတွေ့ ဆုံ ၍ နှစ်နိုင်ငံ ဘာသာရေးနှင့် ယဉ်ကျေးမှု ဆိုင်ရာ ပူးပေါင်းဆောင်ရွက် မှု ကိစ္စ ရပ်များ ကို အထူးလျှောက် ထားဆွေးနွေး ခဲ့ကြပါသည်။ 

ဆရာတော်ကြီး ကလည်း ရုရှားနိုင်ငံ အတွင်းရှိ ဘာသာရေးခေါင်းဆောင်ကြီး ၃ ဦး အား ယခုနှစ် ဒီဇင်ဘာလ ၁၃-၁၄ ရက်နေ့ များတွင် မြန်မာနိုင်ငံ တွင် ဆရာတော်ကြီး ဦးဆောင် ကျင်းပမည့် ဘာသာရေး ဆိုင်ရာ ညီလာခံကြီး သို့ ဖိတ်ကြားမှု များ ပြုလုပ်ခဲ့ပါသည်။

ရုရှား ဖက်ဒရေးရှင်းနိုင်ငံ ဆိုင်ရာ ပြည်ထောင်စုမြန်မာနိုင်ငံ သံအမတ်ကြီး ၏ ဇနီး မိသားစု တို့ကလည်း စိန့်ပီတာစဘတ်မြို့ အထိ လာရောက် ကာ ဆရာတော်ကြီး ၏ ဆွမ်းကွမ်းဝေယျာဝစ္စ ကိစ္စ အရပ်ရပ် များကို သက္ကစ္စမြောက် ဆောင်ရွက် ခဲ့ကြပါသည်။

ဆွေးနွေးပွဲ အပြီး ညနေပိုင်း တွင် စိန့်ပီတာစဘတ်မြို့ တွင် ပညာသင်ကြားလျှက် ရှိသော ပညာတော် သင် မြန်မာ သင်တန်းသားများ အား အထူး ဓမ္မသဘင်ပြုလုပ် ၍ တရားရေအေး တိုက်ကျွေးတော် မူခဲ့သည်။ 

ယခု ကဲ့သို့ မိမိ၏ အသက်တော်၊ ကျန်းမာရေးကို မျှမထောက် သာသနာ့ အကျိုး၊ နိုင်ငံ အကျိုး အတွက် နိုင် ငံ ရပ်ခြား တိုင်းတပါးသို့ လာရောက် ချီးမြှင့်ပေးပါသော သာသနာ့ ဂုဏ်ဆောင် ဆရာတော်ကြီး အား မော်စကိုမြို့ သံအမတ်ကြီး မိသားစုနှင့် ပညာတော်သင် သင်တန်းသားများ အားလုံး မှ မြန်မာနိုင်ငံ သူနိုင်ငံသားနှင့် ထေရ၀ါဒ ဗုဒ္ဓဘာသာဝင် အားလုံးတို့ ၏ ကိုယ်စား အထူးပင် လှိုက်လှိုက်လှဲလှဲ ဂုဏ်ယူ ၀မ်းမြောက်မိပါကြောင်း မှတ်တမ်းတင်အပ်ပါသည် ဘုရား။

ဆရာတော်ကြီး ၏ မိန့်ကြားချက် အပြည့် အစုံမှာ အောက်ပါ အတိုင်းဖြစ်ပါသည်။
***********************************************************

ဘာသာရေး သည် ငြိမ်းချမ်းရေး အတွက်
တရား ချစ်ခင် သူတော်စင် အပေါင်းတို့ …...........
ဤမျှကြီးကျယ် ခမ်းနားသော ဂုဏ် သရေရှိ လူကြီးမင်း များ ၏ အစည်းအဝေးကြီး မှာ ပါဝင်ခွင့် စကားပြော ခွင့် ရတဲ့အတွက် အလွန် ဂုဏ်ယူ ၀မ်းမြောက်ပါတယ်။

အထူး အားဖြင့် သမိုင်းအမွေ အနှစ်နှင့် ယဉ်ကျေးမှု အမွေ အနှစ် တို့၏ စုဝေးရာ ရုရှားနိုင်ငံ ရဲ့ ရှေးဟောင်းမြို့တော် စိန့်ပီတာစဘတ်မြို့ က သမ္မတ ဗောရစ် ရဲ့လ်ဆင့် အထိမ်းအမှတ် စာကြည့် တိုက်ကြီး မှာ နိုင်ငံပေါင်း (၃၅) နိုင်ငံမှ ၀န်ကြီးများ၊ သံအမတ်ကြီးများ၊ ဘာသာရေး (၅) ခုမှ ဘာသာရေးခေါင်းဆောင် များရဲ့ အစည်းအဝေးကြီး မှာ ဘာသာရေးနှင့် ယဉ်ကျေးမှု မတူ ကွဲပြား ကြစေကာ မူ......

 ငြိမ်းချမ်း စွာ အတူယှဉ်တွဲ နေထိုင်ရေး အကြောင်း စကားပြောခွင့် ရလို့ မြန်မာ ဗုဒ္ဓဘာသာ ဘုန်းတော်ကြီးပေါင်း (၅) သိန်းကျော် တို့ ကိုယ်စား အထူးပင် ဂုဏ်ယူဝမ်းမြောက် ရပါကြောင်းနှင့် ဤမျှကြီး ကျယ်ခမ်းနားသော အစည်းအဝေးကြီးအတွက် စိတ်အားထက်သန်စွာဆောင်ရွက်ကြသော ရုရှားအစိုးရ ယဉ်ကျေးမှု ၀န်ကြီးဌာန ၀န်ကြီးနှင့် ၀န်ထမ်းများ အားလုံးကို အထူးပင်ကျေးဇူးတင် ဂုဏ်ပြု ချီးကျူး ရ ပါကြောင်း လှိုက်လှဲစွာ ပြောကြား ပါရစေ။

ဒီကနေ့ ကျွန်ုပ်တို့ တတွေဟာ နိုင်ငံရေး စနစ် စီးပွားရေး စနစ်နှင့် ယဉ်ကျေးမှု ကိုးကွယ် သည့် ဘာသာ စသည်ဖြင့် မတူ ကွဲပြားခြားနားသော ကမ္ဘာကြီး မှာ နေထိုင်နေကြရတာ ဖြစ်ပါတယ်။ ဒါ့ကြောင့် မတူ ညီနိုင်သော အချက်အလက်တွေ ကို ငြင်းခုံ ၍မနေကြဘဲ တူညီသော အချက်ပေါ်မှာ ငြိမ်းချမ်းစွာ လက်တွဲ သွားကြဘို့ဖြစ်ပါတယ်။

မေတ္တာဖြင့် လက်တွဲ
အာဖရိက သား တစ်ယောက်နှင့် တရုတ်ပြည်သူ တစ်ယောက် ပေါင်းသင်းနေထိုင်ကြ ရာမှာ သူတို့နှစ်ယောက် အသားအရောင်ပေါ် မှာ ငြင်းခုံခြင်း မပြုကြလို့ “မေတ္တာသာ ပဓာန” စိတ် ထားနိုင်ကြ လို့ Love ဆိုတဲ့ Common Platform ပေါ်မှာ လက်တွဲပြီး ဘ၀ ခရီး လျှောက်နိုင်ကြတာပေါ့။

ဤယနေ့ ကမ္ဘာမှာ အမျိုးမျိုး ကွဲပြားနေကြသော လူသားတွေ မှာ အမျိုးမျိုး ကွဲပြားခြား နားသော ပြဿနာ များနှင့် အမျိုးမျိုး ကွဲပြားခြား နားသော သဘောထား အတွေးအခေါ် အယူအဆ ခံယူချက်တွေ ရှိနေကြ မှာပေါ့။ 

ဒါပေမယ့် “ပြဿနာတွေ ရှိတယ်” ဆိုတဲ့နေရာ မှာ အားလုံး တူတယ်။ အဖြေ ရှာနေကြတယ် ဆိုတဲ့ အချက် မှာလဲ အားလုံးတူတယ်။ ဒါပေမဲ့ ဒီ လူ့ဘ၀ပြဿနာတွေ ရဲ့ အပြီးသတ် အဖြေဆိုတာ တကယ် ရှိလိမ့်မယ် မဟုတ်ဘူး။ ဒါကြောင့် “ကွဲပြားခြင်း ထဲမှာ ညီညွတ်ခြင်း” ရှိတယ် (Unity in Diversity) ဆိုတဲ့ အချက်ကို ကျွန်ုပ်တို့ လက်ခံ ရလိမ့်မယ်။

ဥပမာ ကုန်းမြေပေါ်မှာ မြစ်တွေ ဟာ အမည် အမျိုးမျိုး ကွဲနေပါတယ်။ သိမ်းမြစ်၊ ရိုင်းမြစ်၊ နိုင်းမြစ် ၊ ဗော်လဂါမြစ် ၊ ဂင်္ဂါမြစ်၊ ဧရာဝတီ စသည်ပေါ့။ အဲဒီလို ကွဲပြားနေတဲ့ အမည်တွေ ထဲမှာ ရေ ကိုမြင်အောင် ကြည့်လိုက် လျှင် ကွဲပြားခြင်း ထဲက တူညီခြင်း ကိုရပါတယ်။ 

ဒါမှသာ တူညီမှုတို့ ကို စုစည်းနိုင်မှ သာ အားလုံး လက်ခံနိုင် မဲ့လမ်းကြောင်း တစ်ခုကို တည်ဆောက်နိုင် မှာ ဖြစ်ပါတယ်။ Common Platform တည်ဆောက်နိုင် မှလဲ ပြဿနာ အားလုံးကို ဖြေရှင်းနိုင်ပြီး၊
ငြိမ်းချမ်းရေးနှင့် လုံခြုံရေး တို့ကို ထိန်းသိမ်းနိုင် မှာ ဖြစ်ပါတယ်။

ဤမျှလောက် များပြားသော ဘာသာရေး၊ ယဉ်ကျေးမှု၊ နိုင်ငံရေး၊ လူမျိုးရေး ခေါင်းဆောင်တွေဟာ ဘာသာရေး တစ်ခုနှင့် တစ်ခုအကြား ယဉ်ကျေးမှု တစ်ခုနှင့် တစ်ခု အကြား ပေါင်းကူး တံတားများ တည်ဆောက်နိုင်ကြမည် ဆိုလျှင်၊ ကျွန်ုပ် ယုံကြည်ပါတယ်။ ကျွန်ုပ်တို့ လူသား အချင်းချင်း ပို၍ကောင်း မွန်သော နားလည်မှု၊ ယုံကြည်စိတ်ချမှုတွေ ရရှိကြပါလိမ့်မယ်။ 

ထို့ပြင် ပဋိပက္ခတွေ ကို ရှောင်ရှားပြီး စိတ်ဓာတ် တင်းမာ မှုတွေလဲ လျှော့ပါး သွားလိမ့်မယ်လို့ ယုံကြည် ပါတယ်။

ပေါင်းကူးတံတား တည်ဆောက်ခြင်း
ကျွန်ုပ် စွဲမြဲစွာ ယုံကြည်တယ်။ တံတား တစ်ခုဆောက် ထားလျှင် လမ်းကြောင်းနှစ်ဘက် က သူတွေဟာ ဒီ တံတားပေါ် မှာ ဖြတ်လျှောက်ကြတော့ တံတားပေါ် မှာ ဆုံတွေ့ကြမှာပါ။ ရှောင်လို့ မရတော့ပါဘူး။ 

အတူတကွ ဆုံတွေ့ကြရာမှာ  
အတူတကွ အလုပ်ဖြစ် သွားကြမှာပါ။ ရေစီးကြမ်း တဲ့မြစ်ချောင်း ကို ကျော်ဖြတ်ခြင်း ဆိုတဲ့ ကိစ္စဟာ လမ်းကြောင်း တစ်ဘက်စီ က လာပြီး လမ်းကြောင်း တစ်ဘက်ဆီ သို့ သွားကြ ကုန်သော လူသားတို့၏ ဘုံ ဆိုင် ပန်းတိုင် (Common Goal) ပါပဲ။

ကွဲပြားခြင်း ကို ညှိုနှိုင်း အဖြေရှာခြင်း ဟာ ကျွန်ုပ်တို့ အတွက် မင်္ဂလာတစ်ပါး လို့ ကျွန်ုပ် ယုံကြည်ပါတယ်။ Common Bridge ဘုံဆိုင် တံတားတစ်ခု တည်ဆောက် ပေးနိုင်လျှင် ကွဲပြားသော အယူ အဆကို တူညီသော အယူ အဆအဖြစ် လမ်းကြောင်းပြောင်းပေးနိုင်ရုံ မျှမက ငြိမ်းငြိမ်း ချမ်းချမ်း လုံလုံခြုံခြုံ လက် တွဲနေထိုင်ရေး ကိုပါ တည်ဆောက်ပေးနိုင် လိမ့်မည်ဟု ယုံကြည်ပါတယ်။

ကိုယ့်လမ်း ကိုယ် လျှောက် ရင်း မလွဲမသွေ ဆုံတွေ့ ရမည့် ဘုံဆိုင် တံတား (Common Bridge) တစ် ခု သာ တည်ဆောက်နိုင်လျှင် စစ်နှင့် ပဋိပက္ခတွေ ကို ငြိမ်းချမ်းရေးနှင့် လုံခြုံရေး အသွင် ပြောင်းနိုင် လိမ့်မည် ဆိုတာ သာမန် အတွေး အမြင်ရှိသူတို့ ပင်လျှင် နားလည်နိုင်ပါတယ်။

 

တကယ့်အောင်နိုင်သူ အစစ်
နောက် တစ်ခုပြောချင် တာက လူတစ်မျိုး က အခြား လူတစ်မျိုးကို အနိုင် တိုက်ခိုက်နေကြမည့် အစား မိမိ တို့ကိုယ်ကို မိမိတို့ တိုက် ဘို့အောင်မြင် ဘို့ ရှေးဦးစွာ အားထုတ် သင့်ပါတယ်။ စစ်ပွဲ တစ်ရာမှာ လူပေါင်း တစ်ထောင် ကို အနိုင်ရခြင်း ထက် မိမိကိုယ်ကို မိမိ အနိုင်တိုက်ခြင်း က တကယ်တိုက်သူနိုင်သူ အောင်မြင် သူဖြစ်ပါတယ်။ 

ကျွန်ုပ်တို့ ကိုယ်ထဲမှာ ပြည့်နှက်နေတဲ့ မနာ လိုခြင်း၊ ရန်လိုခြင်း၊ မုန်းတီးခြင်း၊ မိုက်မဲခြင်း၊ အလိုကြီးခြင်း၊ တယူသန်ခြင်း၊ တဘက်သတ် အနိုင်ကျင့်ခြင်း၊ သူတစ်ပါး ကို အပုတ်ချခြင်း၊ အစွန်းရောက်ခြင်း တို့ရဲ့ နေ ရာတွေမှာ မေတ္တာ၊ ကရုဏာ၊ ခန္တီ၊ ပညာ၊ သစ္စာ၊ မဇ္စျိမ ပဋိပဒါ တရားတွေ နဲ့ အစားထိုး ရမှာဖြစ်ပါတယ်။ 

သို့မှသာ အောင်မြင်သူ အစစ် တကယ်ဖြစ်မှာပါ။ ထိုမှ တဆင့် တကမ္ဘာလုံး မှာပြန့်ပွားနေ တဲ့ တဘက်သတ် တယူသန် အစွန်းရောက်ဝါဒတွေ ကို ချေမှုန်းနိုင်မှာဖြစ်ပါတယ်။

အမှောင်ထဲ မှာ လျှောက်နေသူများ အတွက်
သို့သော် ကျွန်ုပ်တို့ တတွေဟာ ကျွန်ုပ်တို့ ရဲ့ ပါပကမ္မ၊ ပါပ၀ါစာ၊ ပါပသင်္ကပ္ပ တွေကို မလျှော့နိုင် မပယ်နိုင်သေး သမျှ ကာလပါတ်လုံး ကျွန်ုပ်တို့ တတွေဟာ အမှောင်ကျ နေတဲ့ ကမ္ဘာကြီးထဲက မထွက်မြောက်နိုင်သေးဘူး ဆိုတဲ့ အချက်ကို သတိရ သတိပြု သင့်ပေသည်။ 

ယနေ့ ကျွန်ုပ်တို့ တတွေဟာ ဒုစရိုက် အမှောင်ကျနေတဲ့ ကမ္ဘာထဲမှာ စမ်းတ၀ါးဝါး နဲ့ လမ်းသွားနေကြ ရ သလို ပါပဲ။ သောကနှင့် ဒုက္ခ ပင်လယ် မှာ လက်ပစ်ကူးနေကြရ သလိုပါပဲ။

တရားချစ်ခင် သူတော်စင် အပေါင်းတို့ - အမှောင် ရှိလျှင်အလင်း ဆိုတာ ရှိပါတယ်။ အမှောင် ထဲက လူတွေ အတွက် အလင်းရောင် ဟာ တကယ်ပဲ လိုအပ်ပါတယ်။ အမှောင်နှင့် အလင်း ဟာ ဆန့်ကျင်ဘက်ပါ။ အလင်းရောင် လာလျှင် အမှောင် က ပျောက်ကွယ် သွားတာပါပဲ။ 

အမှောင် နဲ့ အလင်း ဟာ လက်တွဲ မနေနိုင်ပါဘူး။ ဒါကြောင့် စိတ်ထား ယုတ်မာခြင်း တည်းဟူသော အမှောင် ထဲမှာ ကျနေတဲ့ ကမ္ဘာထဲ သို့ သူတော်ကောင်း တရား အလင်းရောင်တွေ ကို ပို့လွှတ် လိုက်ကြ ပါစို့။ မီးလောင် လျှင် ရေ ဆိုတာ တကယ်လိုအပ် တဲ့ အရာဝတ္ထုပါပဲ။ ကိလေသာ မီးလောင်နေတဲ့ ကမ္ဘာမှာ ဓမ္မ ရေစင်ရေအေး သွန်းလောင်းကြ ပါစို့။

တစ်ကမ္ဘာလုံး ကန်းနေသည် ဓမ္မ မျက်လုံး လိုနေသည်
တရားချစ်ခင်သူတော်စင်အပေါင်းတို့ - ယနေ့ ကျွန်ုပ်တို့ နေထိုင်ရာ ကမ္ဘာကြီး မှာ ဆူပူခြင်း၊ သောင်း ကျန်းခြင်း၊ အကြမ်းဖ က်ခြင်း၊ အနိုင် ယူခြင်း၊ အစွဲ အလန်းကြီးခြင်း၊ တယူသ န်တဘက်သတ် ကျခြင်း၊ စိုးရိမ် ပူဆွေးခြင်း၊ လုံခြုံမှု မရှိခြင်း စတဲ့ အမှောင် ထုကြီး ကျရောက်နေပါတယ်။ ဒီ အမှောင် ထုကြီးကို ဓမ္မ အလင်းရောင်ဖြင့် အစားထိုး ဘို့ လိုပါတယ်။
 
မြတ်ဗုဒ္ဓ ၏ မိန့်ကြားချက် များရှိပါတယ်။ “တစ်ကမ္ဘာလုံး ကန်းနေတယ်။ ဓမ္မ မျက်လုံးပေးရမယ်။ တစ်ကမ္ဘာလုံး တုန်လှုပ်နေတယ် ဓမ္မနဲ့ ထိန်း၇မယ်။ တစ်ကမ္ဘာလုံး အတွင်း အပြင်လောင်နေတယ် ဓမ္မ နဲ့ ငြိမ်းသတ် ရမယ်။ အာဏာမက်မောမှုနှင့် သစ္စာ တရား မျက်နှာလွဲမှု တို့ကြောင့် ကမ္ဘာကြီး ဟာ သွေး စက်တွေ စွန်းထင်နေပြီ။ 

အရိယ သစ္စာ သည် ကမ္ဘာ့ လက်ဟောင်း တရား။ ကမ္ဘာကြီး ကို သင်ကြား ဘို့ သစ္စာတရားမှ တပါး အခြား မရှိပြီ။ သစ္စာ ဟူသည် လူသားတိုင်း ၏ ကိုယ်တွင်း မှာ ရှိသည်။ ကမ္ဘာကြီး ၏ ငြိမ်းချမ်းရေး သန္တိကို သစ္စာနှင့် တည်ဆောက် ရမည်။ သစ္စာ ကို ဖုံးကွယ် ထားသမျှ ဘ၀ ပြဿနာ အားလုံး ပြေလည်မှု မရနိုင်။” စသည်ဖြင့် ဟောတော်မူ ထားပါတယ်။

ကမ္ဘာ့ငြိမ်းချမ်းရေး၊ တည်ငြိမ်ရေးနှင့် လုံခြုံရေး တို့ဟာ အရေးတကြီး လိုအပ်နေပါတယ်။ ဒီ လိုအပ်ချက် သည် နိုင်ငံရေး၊ ဘာသာရေး၊ လူမှုရေး ခေါင်းဆောင် အားလုံးကို အလွန် စိန်ခေါ်နေသော အချက်ဖြစ် ပါတယ်။ ခေါင်းဆောင် အားလုံး ဤ စိန်ခေါ်ချက် ကို လက်ခံ ရင်ဆိုင်ဖြေရှင်း ရန် တာဝန်ရှိပါတယ်။

ဘာသာတရား တိုင်း ရဲ့ အကာနှင့် အနှစ်
တရားချစ်ခင် သူတော်စင် အပေါင်းတို့ - လူတို့ ကိုးကွယ်ရာ ဘာသာ တရားတိုင်း မှာ အပြင် အကာနှင့် အတွင်း အနှစ်သာရ ဟူ၍ နှစ်မျိုး ရှိပါတယ်။ ယုံကြည်ခြင်း (ဥာဏ် ပညာမပါဘဲ)၊ ကိုးကွယ်ခြင်း၊ ပူဇော် ပသခြင်း၊ ရွတ်ဘတ်ခြင်း၊ ဆုတောင်းခြင်း၊ အခမ်း အနားပွဲလမ်း ကျင်းပခြင်း စသည် တို့ဟာ ဘာသာ တရားတိုင်း ရဲ့ အပေါ်က ဖုံးနေတဲ့ အကာတွေဖြစ်ပါတယ်။ 

အဲဒီ အကာ (Outer Shell of Religions) တွေ ဟာ ဘာသာ တရားတစ်ခုနဲ့ တစ်ခုကို မတူ ကွဲပြားခြား နားစေကြ ပါတယ်။ သို့သော် ဘာသာ တရားအားလုံး တညီ တညွတ်ထဲ လက်ခံနိုင် တဲ့ အနှစ်သာရ ရှိပါ တယ်။ အဲဒီ Common Core ဆို တာဟာ ဒါန၊ သီလ၊ သမာဓိ၊ ပညာ၊ ခန္တီ၊ မေတ္တာ၊ ကရုဏာ၊ သန့်ရှင်းသော စိတ်ထားနှင့် သစ္စာ တရားတို့ဖြစ်ကြ ပါတယ်။ 

လူသား အများ စုဟာ သူတို့ ကိုးကွယ်နေ တဲ့ ဘာသာတရားတွေ ရဲ့ အနှစ်သာရ ကို သူတို့ ကိုယ်တိုင် ထိထိ မိမိ မသိကြပါဘူး။ ဘာသာဝင် လူသားတွေဟာ ဘာသာ တရားတိုင်း ၏ အနှစ် သာရနှင့် တကယ် ဆိုလို တဲ့ အနက် အဓိပ္ပါယ်ကို သိဘို့ လိုပါတယ်။ 

ဘာသာရေး ပဋိပက္ခဖြစ်ခြင်းရဲ့ အကြောင်းရင်း ဟာ တဘတ်သတ် တယူသန် အစွန်းရောက်ခြင်း အပြင် Religion ၏ အနှစ်သာရ ကို တကယ် မသိခြင်းသည် အဓိက ကျသော အချက် တချက် ဖြစ်ပေသည်။

သို့ဖြစ် ပါသောကြောင့် ယနေ့ ကျွန်ုပ်တို့ ဘာသာရေးခေါင်းဆောင်များ အားလုံး ဤ အချက် ကို ကောင်းစွာ သတိပြု ၍ မိမိတို့ ကိုးကွယ်ရာ ဘာသာတရား အသီးသီး ၏ ဘာသာဝင် လူသား များကို Common Core of Religion ကို အလေး အနက် သင်ကြား ပို့ချပေးကြ ဘို့ တိုက်တွန်း လိုပါတယ်။ 

ဘာသာရေး အနှစ်သာရ ကို အတွင်း ကျကျ မသင်နိုင်တောင် မှ အပေါ်ယံလောက် သင်ပေးနိုင်လျှင် ဘာသာရေး အနှစ် သာရ နားလည်သော လူသားတွေ ဟာ နေ့စဉ်ကြုံတွေ့နေ ရတဲ့ ဘာသာရေး ပဋိပက္ခနှင့် ဘာသာရေး အကြမ်းဖက်မှုတွေ ကို လျော့ကျ သွားအောင်၊ လျှော့ပါး သွားအောင်၊ ကြီးထွား သွားမည် ကို သေးငယ် သွားအောင် စွမ်းဆောင်နိုင်ကြ လိမ့်မည်လို့ မျှော်လင့်ပါတယ်။

ဘာသာ တရားရှိတဲ့ လူသားတွေ ဟာ ဘာသာရေး ၏ အနှစ် သာရရောက်အောင် မသင်ကြား မလေ့ ကျင့်ဘဲ အပေါ် ယံ အကာ မျှဖြင့် ရောင့်ရဲ တင်းတိမ် မနေကြဘို့၊ ဘာသာရေး ၏ အနှစ် သာရသည် လူသား တို့၏ နှလုံး စိတ်ဝမ်းငြိမ်းချမ်းရေး အတွက် လူသား တို့၏ ကမ္ဘာကြီး တည်ငြိမ်ရေး အတွက် တကယ်ဖြစ်တယ် ဆိုတာကို သိအောင် သိ ဘို့နှင့် ကျင့် ဘို့ ဒီ ကနေ့ ဒီနေရာ က တိုက်တွန်းပါသည်။ 

မိမိ တို့ ကိုးကွယ်ရာ ဘာသာ တရားဖြင့် အခြား ဘာသာတရား ကို တိုက်ခိုက်ခြင်း၊ ရှုတ်ချခြင်း မပြု သင့်ပါ။ မိမိ တို့ ကိုးကွယ်ရာ ဘာသာ တရား တခုခုဖြင့် အခြား လူတို့ ကိုးကွယ်ရာ ဘာသာ တရားတခုကို ထိခိုက် ပုတ်ခတ် ရှုတ်ချ မှု သည် မိမိ ကိုယ်တိုင် မိမိ ကိုးကွယ်ရာ ဘာသာ တရား ကို ပြန်လည် ပုတ်ခတ်ပြီး ရှုတ်ချပြီး ဖြစ်နေလိမ့်မည်။

 မြတ်ဗုဒ္ဓ၏ လက်ထက်တော် ကာလက ကိုးကွယ် ရာ အမျိုးမျိုး ရှိကြသော လူတို့ သည် ဗုဒ္ဓရှင်တော် ကို ချဉ်းကပ် လာသောအခါ “ဟေ့ - မတူ ကွဲပြားတဲ့ အပေါ်မှာ မဆွေးနွေးကြ စို့နဲ့၊ တူညီ တဲ့ အပေါ် မှာဆွေးနွေး ပါစို့။ တို့ သဘောတူတဲ့ အပေါ်မှာ ဆွေးနွေးပြီး အနှစ်သာရ ထုတ်ယူကြ ပါစို့” - ဟူ၍ ဗုဒ္ဓ ရှင်တော် မိန့် ဖူးပါသည်။

ဒါ့ကြောင့် သဘော မတူနိုင်တဲ့ အချက်တွေ ကို ပြောဆိုနေကြပြီး ငြင်းခုံနေကြခြင်းဖြင့် ဘာ အကျိုး ရှိ အံ့နည်း?

နိဂုံးချုပ်
တရား ချစ်ခင် သူတော်စင် အပေါင်းတို့ -
• ရန်ငြိုး ဖွဲ့ခြင်း ကို မေတ္တာဖြင့် ဖြေရှင်း ရ၏။
• အကြမ်း ဘက်ခြင်း ကို သည်းခံခြင်း၊ ခွင့် လွှတ်ခြင်းဖြင့် ဖြေရှင်း ရာ၏။
• ဒေါသ ကို ဒေါသနှင့် တုံ့ပြန်ခြင်းဖြင့် မငြိမ်းချမ်းနိုင်။
• အကြမ်း ဘက်ခြင်း ကို အကြမ်း မဘက်ခြင်းဖြင့် သာ ငြိမ်းစေနိုင်၏။
• အကြမ်း ဘက်ခြင်းကို အကြမ်း နည်းနှင့် ဖြေရှင်းခြင်း သည် ပို၍ကြမ်းတမ်း လာစေ၏။
• မုန်းတီးခြင်း ကို မေတ္တာဖြင့် ချုပ်ငြိမ်းစေရာ၏။
• ဤသည် တို့ကား ဘာသာရေး မပေါ်မီ ကပင်ရှိ ခဲ့သော ကမ္ဘာဦး တရား၊ ဘာသာတရား အားလုံး တို့၏ Common Core ဖြစ်သည်။
• ဤသည် ကား ဓမ္မ . . . ဓမ္မ ဟူသည် သစ္စာ တရား။
• ဗုဒ္ဓ၊ ဟိန္ဒူ၊ ဂျိန်း၊ ဂျူး၊ ခရစ်ယာန်၊ အစ္စလာမ်၊ ဆစ် မည်သည့် ဘာသာ မှာ မဆို ဤသို့ မွန်မြတ် စွာသော သစ္စာ တရားတို့ ရှိပါသည်။

To understand the Truth is our common solution of our common problems. (သစ္စာ တရားကို နားလည် ကျင့်သုံးခြင်း သည် ကျွန်ုပ် တို့ ဘ၀ပြဿနာ အားလုံး၏ အဖြေဖြစ်ပါတယ်။)

သစ္စာ ဟူသည် ကျွန်ုပ် တို့ ကိုယ် မှာ ရှိပါသည်။ ထို့ကြောင့် သစ္စာ ကိုသိလျှင် သန္တိ ဟူသော ငြိမ်းချမ်းရေး ကိုလည်း ကိုယ်တွင်း မှာ တွေ့ရမည်။ ကိုယ်တွင်း မှာ တွေ့ရသော သစ္စာ တရားနှင့် သန္တိ တရား တို့ကို အပြင် ကမ္ဘာ သို့ ဖြန့်ချီကြပါစို့။ 

သစ္စာတရား နေရာ တိုင်းမှာ ထွန်းတောက် ပါစေ။ ကျွန်ုပ် တို့ နေရာ ဤကမ္ဘာ ငြိမ်းချမ်း သာယာ ရှိကြ ပါစေ။


သီတဂူဆရာတော်
အဆင့်မြင့် ဘာသာရေးနှင့်ယဉ်ကျေးမှု အပြန်အလှန် ဆွေးနွေးပွဲ
ဗောရစ်ယဲလ်ဆင် ခန်းမဆောင်
စိန့် ပီတာစဘတ်မြို့၊ ရုရှားနိုင်ငံ။
 

၂၀၁၄၊ ဇူလိုင်လ၊ ၃ ရက်။


Posted by သီတဂူစတား & Tar Yar

Venerable Ashin Nyanissara (Sitagu/Thegon Sayadaw)'s status update 
From...Facebook